சென்னை: சென்னை மாவட்டத்தில் தொடர்ந்து பெய்து வரும் மழையின் காரணமாக பள்ளிகளுக்கு அரைநாள் விடுமுறை அளிக்கப்பட்டுள்ளது. இது குறித்து சென்னை மாவட்ட ஆட்சியர் அமிர்த ஜோதி வெளியிட்டுள்ள அறிவிப்பில், ’கனமழை எச்சரிக்கை காரணமாக (12.12.2022) இன்று அரை நாள் மட்டும் சென்னை மாவட்டத்தில் உள்ள பள்ளிகளுக்கு விடுமுறை அளிக்கப்படுகிறது’ எனத் தெரிவித்துள்ளார்.
சென்னையில் தொடர்ந்து காலை முதல் பல்வேறு பகுதிகளில் மழை பெய்து வரும் நிலையில், மதியம் 1 மணி அளவில் பள்ளிகளுக்கு அரைநாள் விடுமுறை அறிவிக்கப்பட்டுள்ளது. இதனால் மாணவர்கள் மழையில் நனைந்தபடியே வீட்டிற்குச் செல்லும் நிலைமை ஏற்பட்டது.
இதையும் படிங்க:தமிழகத்தில் 26 மாவட்டங்களில் கனமழைக்கு வாய்ப்பு!
