விவசாயிகளுக்கு விலையில்லா தென்னங்கன்றுகள் - எம்.ஆர்.கே. பன்னீர்செல்வம்

விவசாயிகளுக்கு விலையில்லா தென்னங்கன்றுகள் வழங்கப்படும் என வேளாண் அமைச்சர் எம்.ஆர்.கே. பன்னீர் செல்வம் தெரிவித்துள்ளார்.

சென்னை: 2022-23ஆம் ஆண்டுக்கான வேளாண் நிதிநிலை அறிக்கையை வேளாண் அமைச்சர் எம்.ஆர்.கே. பன்னீர் செல்வம் சட்டப்பேரவையில் இன்று (மார்ச் 19) தாக்கல் செய்தார். அப்போது, "விவசாயிகளுக்கு விலையில்லா தென்னங்கன்றுகள் வழங்கப்படவுள்ளது.

• 3204 கிராம பஞ்சாயத்துகளில் 300 கோடி ரூபாய் மாநில அரசின் நிதியில் அனைத்து கிராம அண்ணா மறுமலர்ச்சித் திட்டம் செயல்படுத்தப்படும்.
• உழவர்களை கைப்பிடித்து வளர்ச்சிக்கு அழைத்துச்செல்ல ஊரகவளர்ச்சி துறையுடன் இணைந்து வேளாண்துறை பாடுபடும்.
• 150 வேளாண் தொகுப்புகளை 7அயிரத்து 500 ஏக்கர் பரப்பளவில் உருவாக்கிட 5 கோடி ரூபாய் ஒன்றிய அரசு - மாநில அரசின் நிதியில் செயல்படுத்தப்படும்.
• நெல் ஜெயராமன் மரபுசார் ரகங்கள் பாதுகாப்பு இயக்கம் மூலம் 20 ஆயிரம் விவசாயிகளுக்கு பாரம்பரிய நெல் ரகங்கள் வழங்கப்படும்.
• விவசாயிகளுக்கு விலையில்லா தென்னங்கன்றுகள் வழங்க 300 கோடி ரூபாய் ஒதுக்கீடும், மாநில வேளாண் வளர்ச்சி திட்டத்திற்கு ₹71 கோடி நிதி ஒதுக்கீடும் செய்யப்பட்டுள்ளது.
• இயற்கை வேளாண்மையை ஊக்குவிக்க 400 கோடி ரூபாய் ஒதுக்கீடு 30 ஆயிரம் மெட்ரிக் டன் அளவில் நெல் பயிர் வகைகள், எண்ணெய் வித்துக்கள் உற்பத்தி செய்யப்பட்டு விவசாயிகளுக்கு வழங்கப்படும்" என தெரிவித்தார்.

இதையும் படிங்க: தமிழ்நாடு வேளாண் பட்ஜெட் அறிவிப்பு : உடனுக்குடன் ...