மத்திய மறைமுக வரி மற்றும் சுங்க வரி வாரியம் வருகிற 2020ஆம் ஆண்டு ஏப்ரல் முதல் புதிய ஜிஎஸ்டி ரிட்டர்ன்ஸை அமல்படுத்தவுள்ளது. இது தொடர்பாக தமிழ்நாடு முழுவதுமுள்ள ஜிஎஸ்டி ஆணையரகங்களில், இன்று சிறு மற்றும் பெரிய தொழில் செய்யும் பங்குதாரர்களிடம் நேரடியாக கருத்து பதியும் கூட்டம் நடைபெற்றது.
ஜிஎஸ்டி ரிட்டர்ன்ஸை எளிமையான முறையில் பதிவு செய்வதற்கான பயிற்சி வகுப்பு நடைபெற்றது. இதில் வரி செலுத்துவோர், ஜிஎஸ்டி ஆலோசகர்கள், பட்டயக் கணக்காளர்கள், தொழில் மற்றும் வர்த்தக அமைப்பின் உறுப்பினர்கள் உள்ளிட்டோர் பங்கேற்றனர். இந்த நிகழ்ச்சியில் ஜிஎஸ்டி மற்றும் சுங்கவரி ஆணையரான ஜி. ரவீந்திரநாத் பங்கேற்று புதிய முறையில் வரி செலுத்துவதற்கானப் பயிற்சியை அளித்தார்.
இந்நிகழ்வு குறித்து அவர் கூறுகையில், "புதிய திட்டத்தின் கீழ் ஜிஎஸ்டி ரிட்டர்ன்ஸை செலுத்துவது குறித்து கணினி மூலமாக பயிற்சியளிக்கப்பட்டது. மேலும், ஐந்து கோடி வரை வர்த்தகம் செய்யும் வர்த்தகர்களுக்கு மூன்று மாதங்கள் ஒரு முறை ரிட்டன்ஸ் தாக்கல் செய்யும் வசதி இந்தாண்டு முதல் அமல்படுத்தப்பட்டுள்ளது. இதனால், காலதாமதம் செய்யாமல் அவர்களின் வரிகளை சுலபமாகச் செலுத்த முடியும்" என்றார்.
இதையும் படிங்க: முத்ரா திட்டமும், பொதுத்துறை வங்கிகளின் அலட்சியமும்!
