நாடாளுமன்ற தேர்தல் தேதி அறிவிக்கப்பட்ட நிலையில் மாநிலம் முழுவதும் பறக்கும் படையினர் சோதனை மேற்கொண்டு வருகின்றனர். இதை சாதமாக பயன்படுத்தி கொண்ட மர்மநபர்கள் தேர்தல் பறக்கும் படை அதிகாரிகள் எனக் கூறி தனியார் கட்டுமான நிறுவன மேலாளரிடம் ரூ.1.07 பணத்தை கொள்ளையடித்து சென்ற சம்பவம் சைதாப்பேட்டையில் நடந்துள்ளது.
காஞ்சிபுரம் தண்டலத்தில் உள்ள கட்டுமான நிறுவனத்தின்மேலாளராக பணிபுரிபவர் உதயகுமார்.இவர் வேப்பேரியில் உள்ள வங்கியில் தொழில் கடனாகரூ. 1.07 கோடி பெற்றுக் கொண்டுஅடையார் சாஸ்திரி நகரில் உள்ள நிறுவனத்தின் உரிமையாளர் வீட்டிற்கு காரில்சென்று கொண்டிருந்தார்.இவருடன் கணக்காளர் இளங்கோ , வேணுகோபால், ஆகியோரும் சென்றனர்.
இந்நிலையில் இவர்கள் சென்ற கார சைதாப்பேட்டை பேருந்து நிலையம் அருகில் சென்ற போது திடீரென பின்தொடர்ந்து வந்த கார் இவர்கள் சென்ற காரை வழிமறித்து நின்றது.மேலும் அந்த காரிலிருந்து வெளியே வந்த சிலர் " தேர்தல் பறக்கும் படை அதிகாரிகள் "என்று அறிமுகம் செய்துக் கொண்டு,காரை சோதனை செய்தபோது பணம் இருந்தது தெரியவந்தது.
உடனே மர்மநபர்கள் அலுவலகத்திற்கு அழைத்துச் செல்வதாக கூறி உதயகுமார் வந்த காரிலேயே அவர்களை கடத்தி சென்று பூந்தமல்லி அருகே வைத்து அடித்து உதைத்து ரூ. 1.07 கோடியை கொள்ளையடித்து சென்றனர். இதில் அதிர்ச்சியடைந்த உதயகுமாரும், மற்றவர்களும் இது பற்றி உரிமையாளர்களிடம் தெரிவித்தனர்.மேலும் இதுகுறித்துசைதாப்பேட்டை காவல் நிலையத்தில் உதயகுமார் புகார் கொடுத்துள்ளார்.
இந்த சம்பவம் குறித்து போலீசார் விசாரணை நடத்தி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியுள்ளது.
