அத்தியாவசிய பொருட்களை உற்பத்தி செய்யும் தொழிற்சாலைகள் கட்டுப்பாடுகளுடன் செயல்பட அனுமதி!

சென்னை: அத்தியாவசிய பொருட்களை உற்பத்தி செய்யும் தொழிற்சாலைகள், கட்டுப்பாடுகளுடன் செயல்பட அனுமதி அளித்து தமிழ்நாடு அரசு உத்தரவிட்டுள்ளது.

தமிழகத்தில் கரோனா தொற்று காரணமாக இரவு ஊரடங்கு மற்றும் ஞாயிற்றுக்கிழமைகளில் முழு ஊரடங்கு அறிவிக்கப்பட்டுள்ளது. இந்நிலையில் அத்தியாவசிய பொருட்களை உற்பத்தி செய்யும் தொழிற்சாலைகள் கட்டுப்பாடுகளுடன் செயல்பட அனுமதி அளித்து தமிழ்நாடு அரசு அரசாணை பிறப்பித்துள்ளது.

அத்தியாவசியப் பொருட்கள் தயாரிக்கும் தொழிற்சாலைகள்: (Industries Manufacturing Essential Commodities)

*மருந்துகள், மருந்துருவாக்கிகள் (Pharmaceuticals), துப்புரவு பொருட்கள், ஆக்ஸிஜன், மருத்துவ சாதனங்கள், மருத்துவ ஜவுளி, அவற்றின் மூலப்பொருட்களுக்கான கூறுகள் (Raw materials components) மற்றும் அவற்றின் இடைநிலைகள் ஆகியவற்றுக்கான உற்பத்தி அலகுகள்.

*கோழி, செல்லப்பிராணிகள் வளர்ப்பு மற்றும் கால்நடை வளர்ப்பு உள்ளிட்ட உணவு தொடர்பான உணவு பதப்படுத்தும் தொழில்கள். உரங்கள், விவசாய இயந்திரங்கள் மற்றும் அவற்றின் கூறுகள் உள்ளிட்ட விவசாய உள்ளீடுகளின் உற்பத்தியில் ஈடுபட்டுள்ள உற்பத்தி அலகுகள்.

*அனைத்து ஏற்றுமதி தொழிற்சாலைகள் நிறுவனங்கள், ஏற்றுமதி பொறுப்புறுதிகள் அல்லது ஏற்றுமதி ஆணைகள் (Export Orders) கொண்ட தொழிற்சாலைகள் மற்றும் அத்தகைய தொழில்களுக்கு உள்ளீடுகளை (inputs) உற்பத்தி செய்யும் துணை நிறுவனங்கள் (Vendor units)

*பாதுகாப்புத் துறைக்கு கூறுகள், உபகரணங்களை உற்பத்தி செய்யும் தொழிற்சாலைகள்.

*பாதுகாப்பு, வேளாண்மை மற்றும் சுகாதாரத் துறைகளில் பயன்படுத்தப்படும் வாகனங்கள் மற்றும் கூறுகளின் உற்பத்தி தொழிற்சாலைகள்

பேக்கேஜிங் பொருட்களை உற்பத்தி செய்யும் தொழிற்சாலைகள்:

*தொடர் செயல்முறை தொழிற்சாலைகள் (Continuous Process Industries)

*சுத்திகரிப்பு நிலையங்கள் (Refineries)

*பெரிய எஃகு ஆலைகள் (TMT Bar உற்பத்தியாளர்கள் உட்பட)

*பெரிய சிமெண்ட் ஆலைகள்

*வண்ணப்பூச்சுகள் உள்ளிட்ட தொடர் செயல்முறை வேதியியல் தொழிற்சாலைகள் சர்க்கரை ஆலைகள்

*மிதவை கண்ணாடி ஆலைகள் (Float Glass Plants)

*தொடர் செயல்முறையுடன் கூடிய பெரிய வார்ப்பாலைகள் (Foundries)

*டயர் உற்பத்தி தொழிற்சாலைகள் பெரிய காகித ஆலைகள்

*மொபைல் போன்கள் மற்றும் நுகர்வோர் மின்னணு தயாரிப்புகள் உள்ளிட்ட Surface Mount Technology- ஐ பயன்படுத்தும் மின்னணு தொழிற்சாலைகள் பெரிய வார்ப்பாலைகள் (Foundries)

*பெயிண்ட் கடைகள் அல்லது பிற தொடர்ச்சியான செயல்முறைகளைக் கொண்ட ஆட்டோமொபைல் உற்பத்தி தொழிற்சாலைகள் தொடர்ச்சியான ஒருங்கிணைந்த பெரிய ஜவுளி தொழிற்சாலைகள் (Vertically integrated large textile units) போன்ற நிர்வாகங்கள் கட்டுப்பாடுகளுடன் செயல்பட அனுமதி அளித்து தமிழ்நாடு அரசு உத்தரவிட்டுள்ளது.

இதையும் படிங்க: காங். எம்பி ராகுலுக்கு கரோனா!