புதுமுக இயக்குநர் எஸ்.கே. வெற்றிச்செல்வன் இயக்கியுள்ள படம் எண்ணித்துணிக, இப்படத்தில் ஜெய், அதுல்யா ஆகியோர் முன்னணி கதாபாத்திரங்களில் நடிக்கின்றனர். இசையமைப்பாளராக சாம் சி.எஸ், எடிட்டராக சாபு ஜோசப், ஒளிப்பதிவாளராக ஜே.பி. தினேஷ்குமார் ஆகியோர் பணியாற்றியுள்ளனர்.
ரெயின் ஆஃப் ஏரோ என்டர்டெயின்மென்ட்(Rain of Arrow Entertainment) சார்பில் சுரேஷ் சுப்பிரமணியன் இப்படத்தை தயாரிக்கிறார்.
இந்தத் திரைப்படம் ஜெய்க்கு முக்கியமான படமாக இருக்கும் என எதிர்பார்க்கப்படுகிறது. இப்படத்தின் ஃபர்ஸ்ட் லுக் போஸ்டரை இயக்குநர் ஏ.ஆர். முருகதாஸ் வெளியிட்டார். இதன் டீசரை நடிகர் சிவகார்த்திகேயன் தனது ட்விட்டர் பக்கத்தில் கடந்த செப்டம்பர் ஒன்பதாம் தேதி வெளியிட்டார்.
இந்நிலையில் இப்படத்தின் டீசர் வெளியான ஒரு வாரத்தில் யூ-டியூப் தளத்தில் 1 மில்லியன் பார்வைகளை கடந்து சாதனை படைத்துள்ளது. டீசருக்கு கிடைத்திருக்கும் மிகப்பெரிய வரவேற்பானது, ரசிகர்களிடையேயும், விநியோக தளத்திலும் படத்தின் மீதான எதிர்பார்ப்பை பன்மடங்கு அதிகரித்துள்ளது.
இதையும் படிங்க:டொரன்டோ திரைப்பட விழா - சிறந்த படம் கோட்டா.
