‘ரௌத்திரம்’, ‘இதற்குத்தானே ஆசைப்பட்டாய் பாலகுமாரா’, ‘ஜுங்கா’ போன்ற படங்களை இயக்கியவர் கோகுல். இவர் தற்போது 'கொரோனா குமார்' என்ற படத்தை இயக்கவுள்ளார்.
இவர் இயக்கத்தில் வெளிவந்த படங்களில் அதிகம் பேசப்பட்ட படம் இதற்குத்தானே ஆசைப்பட்டாய் பாலகுமாரா. இதில் விஜய் சேதுபதி, நந்திதா, பசுபதி, சூரி, மொட்டை ராஜேந்திரன், மதுமிதா உள்ளிட்ட பலர் நடித்திருந்தனர். இப்படத்தின் வசனங்கள், காட்சிகள், கதாபாத்திரங்கள் அனைவரையும் ஈர்த்தது.
இதையடுத்து கோகுல் இயக்கிய “ஜுங்கா” படம் ரசிகர்கள் எதிர்பார்த்த வகையில் இல்லை. இந்நிலையில் தற்போது கரோனா குறித்து நகைச்சுவை பாணியில் “கொரோனா குமார்” என்ற படத்தினை இயக்க உள்ளார்.
முதலில் இப்படத்தில் சந்தானம் நடிக்க உள்ளதாக கூறப்பட்டது. ஆனால் தற்போது இப்படத்தில் சிம்பு நடிக்கவுள்ளதாகத் தகவல் வெளியாகியுள்ளது.
முதலில் சினிமாவாலா பிக்சர்ஸ் சதீஷ் தயாரிப்பதாக இருந்த நிலையில், தற்போது வேல்ஸ் நிறுவனமும் இணைந்து இப்படத்தை தயாரிக்கிறது. இதன் படப்பிடிப்பு செப்டம்பர் இறுதியில் தொடங்க உள்ளது என்ற தகவலும் தற்போது வெளியாகியுள்ளது.
இதையும் படிங்க: சஞ்சனா, ராகினி வழக்கு: போதை மருந்து எடுத்துக்கொண்டது உறுதி
