இந்தக் கூட்டத்தில் சுகாதாரத்துறை அமைச்சர் விஜயபாஸ்கர், தலைமைச் செயலாளர் சண்முகம், சுகாதாரத்துறைச் செயலாளர் பீலா ராஜேஷ், பொதுத்துறை செயலாளர் செந்தில்குமார், அமெரிக்கா, லண்டன், ரஷ்யா, ஸ்ரீலங்கா உள்ளிட்ட நாடுகளின் தூதர்கள் மற்றும் தூதரக அலுவலர்களும் கலந்துகொண்டனர்.
இதில் கொரோனா வைரஸ் பரவாமல் தடுப்பதற்கான நடவடிக்கை குறித்து சுகாதாரத் துறை செயலாளர் பீலா ராஜேஷ் விளக்கமாக எடுத்துரைத்தார். சீனா, இத்தாலி, ஈரான், கொரியா, பிரான்ஸ் உள்ளிட்ட 12 நாடுகளிலிருந்து இந்தியாவிற்கு வரும் இந்தியர்கள் உட்பட அனைவரும் கட்டாயம் 14 நாட்கள் தனிமைப்படுத்தப்பட்டு கண்காணிப்பில் வைக்கப்படுவார்கள். தேவைப்படும் பட்சத்தில் 28 நாட்கள் வரை அது நீட்டிக்கப்படும் என்பதை விளக்கினார்.
பின்னர், அமைச்சர் விஜயபாஸ்கர் செய்தியாளர்களிடம் பேசுகையில், "அனைத்து மாவட்ட ஆட்சியர்களுக்கும் கொரோனா வைரஸ் நோய் தொடர்பாக எடுக்க வேண்டிய தடுப்பு நடவடிக்கைகள் குறித்து தொடர்ந்து அறிவுறுத்தப்பட்டு வருகிறது. மாநில எல்லைகளில் தேவையான முன்னெச்சரிக்கை நடவடிக்கை எடுக்கப்பட்டுள்ளது. மதுரை மற்றும் சென்னை தாம்பரம் பகுதிகளில் இதற்கென தனி மருத்துவமனை அமைக்கும் பணிகள் நடைபெற்று வருகின்றன.
