அண்ணா பல்கலை. மீது தேசிய மனித உரிமைகள் ஆணையத்தில் புகார்!

சென்னை: தனியார் பொறியியல் கல்லூரி பேராசிரியர்கள் மீது அண்ணா பல்கலைக்கழகம் நடவடிக்கை எடுத்த விவகாரம் தொடர்பாக தேசிய மனித உரிமைகள் ஆணையத்தில் புகார் அளிக்கப்பட்டுள்ளது.

anna univ

Published : May 6, 2019, 10:07 AM IST

அனைத்து தனியார் பொறியியல் கல்லூரியின் முதல்வர்களுக்கும் அண்ணா பல்கலைக்கழகத்தின் பதிவாளர் குமார், மார்ச் 19ஆம் தேதி கடிதம் ஒன்றை அனுப்பினார்.

அதில், 'அண்ணா பல்கலைக்கழகத்தின் கீழ் இயங்கிவரும் பொறியியல் கல்லூரிகளில் தேர்வு முறைகேட்டில் ஈடுபட மாணவர்களுக்கு, கோஜன் ஸ்கூல் ஆப் பிசினஸ் அண்ட் டெக்னாலாஜி கல்லூரியில் எலக்ட்ரானிக்ஸ் - கம்யூனிகேஷன் இன்ஜினியரிங் துறையில் பணியாற்றிவரும் விரிவுரையாளர் சுரேஷ் (ஏ.ஐ.சி.டி.இ. கோடு 457035885) என்பவரும், இந்திரா காந்தி மகளிர் பொறியியல் மற்றும் தொழில்நுட்பக் கல்லூரியில் எலக்ட்ரானிக்ஸ் - கம்யூனிகேஷன் துறையில் பணியாற்றிவரும் குமார் சார்லி பவுல் என்பவரும் உதவியதாக இருந்தனர்.

மேலும் இவர்கள் முனைவர் பட்டத்திற்கான சான்றிதழை போலியாக அளித்துள்ளனர். ஆகவே அவர்கள் இருவரையும் வேறு எந்தக் கல்லூரியிலும் கல்வி சார்ந்த பணிகளுக்கு பயன்படுத்த வேண்டாம்' எனக் குறிப்பிடப்பட்டிருந்தது.

தேசிய மனித உரிமைகள் ஆணையத்தில் புகார்

அதில், பேராசிரியர்களின் புகைப்படங்கள், அவர்களின் பான் எண்கள் உள்ளிட்ட அனைத்து தனிப்பட்ட விவரங்களும் இடம்பெற்றிருந்தன.

அண்ணா பல்கலை.யின் கடிதம்

இந்நிலையில், இந்திய அரசமைப்புச் சட்டத்தின்படி இது விதிமீறல் என்றும், பேராசிரியர்களின் தனிப்பட்ட விவரங்களை வெளியிட்ட பதிவாளர் மீது நடவடிக்கை எடுப்பதுடன், பாதிக்கப்பட்ட பேராசிரியர்களுக்கு உரிய நஷ்டஈடு வழங்கிட வேண்டும் எனவும் தேசிய மனித உரிமைகள் ஆணையத்தில் அகில இந்திய தனியார் பொறியியல் கல்லூரிகள் ஆசிரியர் கூட்டமைப்பின் தலைவர் கார்த்திக் புகார் கொடுத்துள்ளார்.

தேசிய மனித உரிமைகள் ஆணையத்தில் புகார்

அண்ணா பல்கலை.யின் கடிதம்

பொறியியல் கல்லூரி பேராசிரியர்கள் புகைப்படத்துடன் வெளியிட்ட விவகாரம்

தேசிய மனித உரிமை ஆணையத்தில் புகார்

சென்னை,

தனியார் பொறியியல் கல்லூரியில் பணியாற்றிய பேராசிரியர்களை வேறு கல்லூரியில் சேர்க்கக் கூடாது என புகைப்படத்துடன் அண்ணா பல்கலைகழகம் அறிவித்தது குறித்து தேசிய மனித உரிமை ஆணையத்தில் புகார் அளிக்கப்பட்டுள்ளது.

தமிழகத்தில் உள்ள பொறியியல் கல்லுரிகளில் 2010 ம் ஆண்டில் சேர்ந்து தேர்ச்சி பெறாதவர்கள் மட்டும் சிறப்பு தேர்வு எழுத அனுமதிக்கப்பட்டனர். ஆனால் அந்த தேர்வில் பல்வேறு முறைகேடுகள் நடைபெற்றுள்ளதை அண்ணாப் பல்கலைக்கழக தேர்வு கட்டுப்பாட்டு அலுவலகம் கண்டுபிடித்துள்ளது.

அதன் அடிப்படையில், அண்ணாப் பல்கலைக்கழகத்தில் 6.2.2019 அன்று நடைபெற்ற சிண்டிகேட் கூட்டத்தில் சிறப்பு தேர்வு நவம்பர்,டிசம்பர் 2017 மற்றும் பிப்ரவரி, மார்ச் 2108 ஆகியவற்றின் போது பல்வேறு முறைகேடுகள் அங்கீகாரம் பெற்ற கல்லுாரிகளில் நடைபெற்றுள்ளது என்பது குறித்த புகார் வந்துள்ளது. அதனை குழு அமைத்து விசாரணை மேற்கொள்ளப்பட்டது. அதனைத் தொடர்ந்து மார்ச் 12 ந் தேதி 37 தற்காலிகப் பணியாளர்களுக்கு கடிதம் அனுப்பப்பட்டு அவர்கள் நிரந்தர பணி நீக்கம் செய்யப்பட்டனர்.

தேர்வு முறைகேட்டில் ஈடுப்பட்டதாக 132 மாணவர்களின் பட்டங்களை ரத்து செய்துள்ளது.

தேர்வு முறைகேட்டிற்கு உதவியாக இருந்த விரிவுைரயாளரை வேறு எந்த கல்லுாரியிலும் சேர்க்க கூடாது என அண்ணாப் பல்கலைக்கழக பதிவாளர் குமார் கடந்த 19.3.2019 அன்று அனைத்து தனியார் பொறியியல் கல்லுாரி முதல்வர்களுக்கு எழுதிய கடிதத்தில், அண்ணாப் பல்கலைக்கழகத்தில் சிண்டிகேட் தீர்மானம் எண் 251.18 நாள் 6.2.2019 அடிப்படையில்,. கோஜன் ஸ்கூல் ஆப் பிசினஸ் அண்டு டெக்னாலாஜி கல்லுாரியில் எலக்ட்ரானிக்ஸ் அண்டு கம்யூனிகேஷன் இன்ஜினியரிங் துறையில் பணியாற்றி வரும் விரிவுரையாளர் சுரேஷ் (ஏ.ஐ.சி.டி.இ. கோடு 457035885) என்பவர் சிறப்பு தேர்வு நவம்பர்,டிசம்பர் 2017 மற்றும் பிப்ரவரி ,மார்ச் 2018 ல் நடத்தப்பட்டபோது தேர்வு ஒருங்கிணைப்பாளராக இருந்த போது முறைகேட்டிற்கு துணையாக இருந்துள்ளார். எனவே இவரை எந்தக் கல்லுாரியிலும் பணியில் சேர்க்க வேண்டாம் என கூறியிருந்தார். அதேபோல் அண்ணாப் பல்கலைக்கழக பதிவாளர் குமார் மீண்டும் 3.4.2019 அன்று அனுப்பி உள்ள கடிதத்தில், செங்கல்பட்டில் உள்ள இந்திரா காந்தி மகளிர் பொறியியல் மற்றும் தொழில்நுட்பக்கல்லுாரியில் எலக்ட்ரானிக்ஸ் அண்டு கம்யூனிகேஷன் துறையில் பணியாற்றி வரும் குமார் சார்லி பவுல் என்பவர் முனைவர் பட்டத்திற்கான சான்றிதழை போலியாக அளித்துள்ளார். மேலும் அவர் இந்த கல்லுாரியின் முதல்வர் மற்றும் தலைமை கண்காணிப்பாளராகவும் இருந்து வருகிறார்.

அண்ணாப் பல்கலைக் கழகம் நடத்திய தேர்வுகளில் மாணவர்கள் முறைகேடுகளில் ஈடுபடுவதற்கு அதிகளவில் உதவியாக இருந்துள்ளார். முனைவர் பட்டத்திற்கான சான்றிதழை போலியாக அளித்துள்ளதும் தெரியவந்துள்ளது. எனவே இனிமேல் யாரும் இவரை எந்தக்கல்லுாரியிலும் கல்விச்சார்ந்த பணிகளுக்கு பயன்படுத்த வேண்டாம் என உத்தரவிட்டு இருந்தார்.

இந்த நிலையில் பேராசிரியர்களின் புகைப்படம் மற்றும் விபரங்களுடன் அனைத்து கல்லூரிகளுக்கும் நோட்டீஸ் அனுப்பியது குறித்து தேசிய மனித உரிமை ஆணையத்தில் அகில இந்திய தனியார் பொறியியல் கல்லூரிகள் ஆசிரியர் கூட்டமைப்பின் தலைவர் கார்த்திக் புகார் அளித்துள்ளார்.

அண்ணா பல்கலைக்கழகம் தமிழகத்தில் உள்ள 570 பொறியியல் கல்லூரியின் தலைவர்கள் மற்றும் முதல்வர்களுக்கு விரிவுரையாளர்கள் சுரேஷ், குமார் சார்லி பவுல் ஆகியோரின் புகைப்படம் மற்றும் ஏஐசிடிஇ, அண்ணா பல்கலை கழகத்தின் பணியாளர் எண் உள்ளிட்ட விபரங்களுடன் அவர்களை வேறு கல்லூரியில் சேர்க்க கூடாது என அதன் பதிவாளர் கடிதம் எழுதியுள்ளார்.

இந்திய அரசமைப்புச் சட்டப்படி இது விதிமுறையை மீறிய குற்றச் செயலாகும். தனிப்பட்ட இருவரை மட்டும் அல்லாமல் அவர்களின் குடும்பம், உறவினர்களையும் பொது மக்கள் மத்தியில் பாதித்துள்ளது.

மேலும் அந்தக் கடிதத்தில் அவருடைய புகைப்படம் மற்றும் பான் நம்பர் ஆகியவை அவர்களை தனிப்பட்ட முறையில் அடையாளம் படுத்தும் வகையில் அமைந்துள்ளது. எனவே அண்ணா பல்கலைக்கழக பதிவாளர் பகிரங்கமாக மன்னிப்பு கேட்பதுடன் , பாதிக்கப்பட்ட அவர்களுக்கு நஷ்டஈடு வழங்க வேண்டும் என அதில் கூறியுள்ளார்.

For All Latest Updates