பூங்கா ரயில் நிலைய காவல்துறையினருக்கு உதவியாக இருந்த சின்னப்பொன்னு உள்பட நான்கு நாய்களை மாநகராட்சி நாய்கள் பிடித்துச் செல்லும் வாகனத்தில் வலுக்கட்டாயமாக கொண்டு செல்லப்பட்டதாக கூறப்பட்ட நிலையில், இன்று மாலை மீண்டும் சின்னப்பொன்னு பூங்கா ரயில் நிலையத்திற்கு வந்துவிட்டது.
சின்னப்பொன்னு மாயமான தகவல் ஊடகங்களில் வைரலாக பரவியதை தொடர்ந்து அதனை கொண்டு சென்ற மாநகராட்சி நிர்வாகமோ அல்லது வேறு யாரோ ரகசியமாக கொண்டு வந்து விட்டிருக்கலாம் எனக் கூறப்படுகிறது.
பிரதிபலன் பாராமலும், யாருக்கும் தொந்தரவு இல்லாமலும் பூங்கா ரயில் நிலையத்தில் வசித்த வந்த நிலையில் சின்னப்பொன்னு , திடீரென மாயமானதால் ஆழ்ந்த வேதனையில் இருந்த ரயில்நிலைய கடைக்காரர்கள், காவல்துறையினர் உள்ளிட்டோர் தற்போது மகிழ்ச்சி அடைந்துள்ளனர்.
மேலும் படிக்க: சின்னப்பொன்னு மாயம்... தூக்கிச் சென்றது மாநகராட்சியா?
