சென்னை அம்பத்தூர் ஞானமூர்த்தி நகரைச் சேர்ந்த அருண்(32) என்பவர் வீட்டில் கஞ்சாவைப் பதுக்கி வைத்து விற்பனை செய்து வருவதாக காவல் துறையினருக்கு ரகசிய தகவல் கிடைத்தது. தகவலையடுத்து, அங்கு விரைந்து வந்த காவல் துறையினர், அவரது வீட்டை சோதனையிட்டனர். காவலர்களைக் கண்ட அருண் அங்கிருந்து தப்பி ஓடிவிட்டார்.
பின்னர் காவல் துறையினர் அவரது வீட்டிலிருந்து 1 கிலோ 300 கிராம் கஞ்சாவை பறிமுதல் செய்து, கஞ்சா விற்பனையில் ஈடுபட்ட அவரது மனைவி உதயவாணி (30), கள்ளிகுப்பத்தைச் சேர்ந்த சக்திவேல்(25), சேதுராமன்(25), பெரம்பூரைச் சேர்ந்த ஞானசேகரன்(29) ஆகிய நான்கு பேரையும் கைது செய்தனர். மேலும், தப்பியோடிய அருண் தீவிரமாகத் தேடப்பட்டு வருகின்றார்.
சென்னையில் கஞ்சா விற்பனை
இதையும் படிங்க: கஞ்சா விற்ற இருவர் கைது, இருவர் தப்பியோட்டம்!
