மானிய கோரிக்கை விவாதத்தில் பேசிய திமுக சட்டப்பேரவை உறுப்பினர் ரவிச்சந்திரன், "தமிழ் மொழியில் நடத்தப்படாத அஞ்சல் துறை தேர்வு ரத்து செய்ய திமுக எம்பிக்கள் நாடாளுமன்றத்தில் வலியுறுத்தினர். அதன் அடிப்படையில் அஞ்சல்துறை தேர்வு ரத்து செய்யப்பட்டது" என்றார்.
அப்போது, குறுக்கிட்ட அமைச்சர் திண்டுக்கல் சீனிவாசன், "அஞ்சல்துறை தேர்வு தொடர்பாக மாநிலங்களவை உறுப்பினர்களும் எதிர்ப்பு தெரிவித்து அழுத்தம் கொடுத்து பேசினர். அதையும் உறுப்பினர் ரவிச்சந்திரன் இங்கு குறிப்பிடவேண்டும்" எனக் கூறினார்.
அதை தொடர்ந்து பேசிய அமைச்சர் வேலுமணி, "தமிழ்நாட்டில் இருந்து கட்சிப் பாகுபாடின்றி முதலமைச்சர் உட்பட அனைவரும் கொடுத்த அழுத்தத்தின் காரணமாகவே அஞ்சல் துறை தேர்வு ரத்து செய்யப்பட்டது. இது திமுகவிற்கு மட்டுமல்ல... ஒட்டுமொத்த தமிழ்நாட்டிற்கும் கிடைத்த வெற்றி" என்றார்.
