சென்னை ஆவடியில் உள்ள அரசு உதவி பெறும் பள்ளியில் தொற்று நோய்த்தடுப்பு பணிகளுக்கான 42 மருத்துவக் குழுக்கள் மற்றும் 10 புகை தெளிப்பான் வாகனங்களை தமிழ்நாடு சுகாதாரத்துறை அமைச்சர் விஜயபாஸ்கர் கொடியசைத்து தொடங்கி வைத்தார். இதில் ஊரக தொழில்துறை அமைச்சர் பெஞ்சமின், சுகாதாரத்துறை செயலர் பீலா ராஜேஷ், ஆட்சியர் மகேஸ்வரி உள்ளிட்டோர் கலந்து கொண்டனர்.
ஆவடி பொது மருத்துவமனையை ஆய்வு செய்த அமைச்சர் விஜயபாஸ்கர் நோயாளிகளிடம் சிகிச்சை முறை குறித்து கேட்டறிந்தார். இதனைத் தொடர்ந்து ஆவடி மாநகராட்சி, மழை கால நோய்த்தடுப்பு பணி மற்றும் மருத்துவ முன்னேற்றம் குறித்து அதிகாரிகளுடன் ஆலோசனை நடத்தினார்.
அப்போது செய்தியாளர்களைச் சந்தித்து பேசிய அவர், 'டெங்கு காய்ச்சலுக்கு போதுமான நடவடிக்கை மேற்கொள்ளப்பட்டு வருகிறது. இதற்காக மருத்துவக் குழுக்கள் அமைக்கப்பட்டுள்ளன.
டெங்கு காய்ச்சலுக்கு தவறான சிகிச்சையளிக்கும் தனியார் மருத்துவமனைகள் மீது உரிய நடவடிக்கை எடுக்கப்படும்' என்றும் அவர் எச்சரித்தார்.
இதையும் படிங்க: பருவமழை முன்னெச்சரிக்கை நடவடிக்கை குறித்து முதலமைச்சர் ஆலோசனை!
