பிளாட்பாரத்தில் உறங்கிக்கொண்டிருந்த சிறுமிக்கு பாலியல் தொல்லை - போதை ஆசாமி போக்சோவில் கைது!

சென்னை: பிளாட்பாரத்தில் உறங்கிக்கொண்டிருந்த ஏழு வயது சிறுமிக்கு பாலியல் தொல்லை கொடுத்த நபரை காவல் துறையினர் போக்சோ சட்டத்தின் கீழ் கைது செய்தனர்.

சென்னை கீழ்பாக்கம் அழகப்பா சாலைக்கு அருகே உள்ள பிளாட்பாரத்தில் ஏழு வயது சிறுமி பெற்றோருடன் வசித்து வருகிறார். நேற்றிரவு வழக்கம் போல் பிளாட்பாரத்தில் சிறுமி பெற்றோருடன் உறங்கிக் கொண்டிருந்துள்ளார்.

அப்போது எழும்பூர் பகுதியிலுள்ள திருமண மண்டபத்தில் தங்கி பணிபுரிந்து வரும் உன்னிகிருஷ்ணன் (54) என்பவர் குடிபோதையில் பிளாட்பாரத்தில் தூங்கிக்கொண்டிருந்த சிறுமிக்கு பாலியல் தொல்லை கொடுத்துள்ளார்.

பின்னர், சிறுமி கூச்சலிட்டதைக் கண்ட அவரது பெற்றோர் உன்னிகிருஷ்ணனை சரமாரியாக தாக்கியுள்ளனர். மேலும், உன்னிகிருஷ்ணன் மீது சிறுமியின் பெற்றோர் கீழ்பாக்கம் காவல் நிலையத்தில் புகார் அளித்தனர்.

அதன் பேரில், உன்னிகிருஷ்ணன் மீது போக்சோ சட்டத்தின் கீழ் வழக்குப் பதிவு செய்த காவல் துறையினர் அவரை கைது செய்து விசாரணை நடத்தி வருகின்றனர்.