கரோனா வைரஸ் (தீநுண்மி) காரணமாக ஒத்திவைக்கப்பட்ட பத்தாம் வகுப்பு பொதுத்தேர்வுகள் ஜூன் 15 முதல் ஜூன் 25 வரையும், மார்ச் 26ஆம் தேதியன்று நடைபெற இருந்த 11ஆம் வகுப்பு தேர்வு ஜூன் 16ஆம் தேதி அன்றும், மார்ச் 24 அன்று நடைபெற்ற 12ஆம் வகுப்பு தேர்வு கரோனா தடுப்பு நடவடிக்கை காரணமாக எழுதாத தேர்வர்களுக்கு மட்டும் ஜூன் 18 அன்றும் நடைபெறவுள்ளன.
இந்தத் தேர்வுகளை எழுதவுள்ள அனைத்து தனித்தேர்வர்களுக்கான (தட்கல் உள்பட) தேர்வுக்கூட நுழைவுச்சீட்டு www.dge.tn.gov.in என்ற இணையதளத்தில் வெளியிடப்பட்டுள்ளது.
மேலும் தேர்வெழுதும் மாணவர்கள் தங்களது விண்ணப்ப எண், பிறந்த தேதியினைப் பதிவுசெய்து தேர்வுக்கூட நுழைவுச்சீட்டினை பதிவிறக்கம் செய்துகொள்ளலாம்.
அதுபோல பள்ளி தலைமையாசிரியரைத் தொடர்புகொண்டு தங்களது தேர்வுக்கூட நுழைவுச் சீட்டினைப் பெற்றுக் கொள்ளலாம் அல்லது www.dge.tn.gov.in என்ற இணையதளத்தில் தங்களது தேர்வெண், பிறந்த தேதியினை இணையதளம் மூலம் பதிவிறக்கம் செய்துகொள்ளலாம் என்பது குறிப்பிடத்தக்கது.
இதையும் படிங்க: அமெரிக்காவின் இந்திய தூதரக வாயிலில் இருந்த காந்தி சிலை அவமதிப்பு
