குழந்தை கடத்தலை தடுக்க குழு அமைக்க வேண்டும் - டிடிவி

சென்னை: பச்சிளம் குழந்தைகள் கடத்தப்படுவதை தடுக்க தனி குழு அமைக்க வேண்டும் என அமமுக டிடிவி தினகரன் வலியுறுத்தியுள்ளார்.

டிடிவி தினகரன்

Published : Apr 28, 2019, 11:54 PM IST

குழந்தைகள் கடத்தல் குறித்து அமமுக பொதுச் செயலாளர் டிடிவி தினகரன் வெளியிட்டுள்ள அறிக்கையில் இடம்பெற்றுள்ள சிறப்பம்சங்கள்:

குழந்தை விற்பனை தொடர்பான ஆடியோ வெளியாகி தமிழகம் முழுக்க அதிர்வலைகளை ஏற்படுத்திய பிறகே இந்த நடவடிக்கை எடுக்கப்பட்டுள்ளது.
பிறப்புச் சான்றிதழ் போன்ற ஆவணங்களை அவர்கள் போலியாகத் தயாரித்திருப்பதும் அம்பலமாகி இருக்கிறது.
எதுவுமே காவல்துறைக்கும், அரசு மருத்துவமனைகளில் உயர் பொறுப்புகளில் இருப்பவர்களுக்கும் தெரியாமல் நடந்திருக்க முடியாது.
பிடிபட்டிருக்கும் குழந்தை விற்பனை கும்பலின் பின்னால் பெரிய சட்டவிரோத சங்கிலிப் பிணைப்பு இருப்பதாக வெளியாகும் தகவல் பொதுமக்களிடையே அச்சத்தையும் கவலையையும் ஏற்படுத்தி இருக்கிறது.
சென்னை உயர்நீதிமன்றம் நேரடியாக இவ்விவகாரத்தில் தலையிட்டு, குழந்தை விற்பனை மற்றும் கடத்தல் புகார்கள் பற்றி முழுமையான விசாரணை நடத்தச் சிறப்புக் குழு அமைக்க வேண்டும்.
சென்னையில் வீடுகள் இன்றி சாலை ஓரங்களில் படுத்திருக்கும் குழந்தைகள் தொடர்ந்து கடத்தப்பட்டது குறித்த வழக்கில் பழனிச்சாமி அரசின் மோசமான செயல்பாடுகளைக் கடந்த ஆண்டு ஆகஸ்ட் மாதம் உயர்நீதிமன்றம் கடுமையாக விமர்சித்திருந்தது.
நாட்டின் எதிர்காலம் குழந்தைகள். அவர்கள் கடத்தப்படுவதைத் தடுக்க தமிழ்நாடு அரசு தவறிவிட்டது.
100க்கும் மேற்பட்ட தமிழ்நாட்டுக் குழந்தைகள் வெளிநாடுகளுக்கும், வட மாநிலங்களுக்கும் கொண்டு செல்லப்படுவதற்கான காரணம் என்ன?’ என்று, பழனிச்சாமி அரசைப் பார்த்து அப்போது நீதிபதிகள் கேட்ட கேள்வி இன்னும் பதில் இன்றி அப்படியே இருக்கிறது.
இவற்றை எல்லாம் கருத்தில் கொண்டு, தமிழகத்தில் குழந்தை கடத்தலை முற்றிலுமாக தடுப்பதற்கான நடவடிக்கைகளை உயர்நீதிமன்றம் மேற்கொள்ள வேண்டும் என்று கேட்டுக் கொள்கிறேன்.

குழந்தை விற்பனை தொடர்பான ஆடியோ வெளியாகி தமிழகம் முழுக்க அதிர்வலைகளை ஏற்படுத்திய பிறகே இந்த நடவடிக்கை எடுக்கப்பட்டுள்ளது.
பிறப்புச் சான்றிதழ் போன்ற ஆவணங்களை அவர்கள் போலியாகத் தயாரித்திருப்பதும் அம்பலமாகி இருக்கிறது.
எதுவுமே காவல்துறைக்கும், அரசு மருத்துவமனைகளில் உயர் பொறுப்புகளில் இருப்பவர்களுக்கும் தெரியாமல் நடந்திருக்க முடியாது.
பிடிபட்டிருக்கும் குழந்தை விற்பனை கும்பலின் பின்னால் பெரிய சட்டவிரோத சங்கிலிப் பிணைப்பு இருப்பதாக வெளியாகும் தகவல் பொதுமக்களிடையே அச்சத்தையும் கவலையையும் ஏற்படுத்தி இருக்கிறது.
சென்னை உயர்நீதிமன்றம் நேரடியாக இவ்விவகாரத்தில் தலையிட்டு, குழந்தை விற்பனை மற்றும் கடத்தல் புகார்கள் பற்றி முழுமையான விசாரணை நடத்தச் சிறப்புக் குழு அமைக்க வேண்டும்.
சென்னையில் வீடுகள் இன்றி சாலை ஓரங்களில் படுத்திருக்கும் குழந்தைகள் தொடர்ந்து கடத்தப்பட்டது குறித்த வழக்கில் பழனிச்சாமி அரசின் மோசமான செயல்பாடுகளைக் கடந்த ஆண்டு ஆகஸ்ட் மாதம் உயர்நீதிமன்றம் கடுமையாக விமர்சித்திருந்தது.
நாட்டின் எதிர்காலம் குழந்தைகள். அவர்கள் கடத்தப்படுவதைத் தடுக்க தமிழ்நாடு அரசு தவறிவிட்டது.
100க்கும் மேற்பட்ட தமிழ்நாட்டுக் குழந்தைகள் வெளிநாடுகளுக்கும், வட மாநிலங்களுக்கும் கொண்டு செல்லப்படுவதற்கான காரணம் என்ன?’ என்று, பழனிச்சாமி அரசைப் பார்த்து அப்போது நீதிபதிகள் கேட்ட கேள்வி இன்னும் பதில் இன்றி அப்படியே இருக்கிறது.
இவற்றை எல்லாம் கருத்தில் கொண்டு, தமிழகத்தில் குழந்தை கடத்தலை முற்றிலுமாக தடுப்பதற்கான நடவடிக்கைகளை உயர்நீதிமன்றம் மேற்கொள்ள வேண்டும் என்று கேட்டுக் கொள்கிறேன்.

குழந்தை கடத்தலை தடுக்க குழு அமைக்க வேண்டும்

டிடிவி தினகரன் வலியுறுத்தல்

அமமுக பொதுச் செயலாளர் டிடிவி தினகரன் வெளியிட்டுள்ள அறிக்கை:

சட்டவிரோத குழந்தைகள் விற்பனை மற்றும் கடத்தல் பற்றி அடுத்தடுத்து வெளியாகிக்கொண்டிருக்கும் செய்திகள் அதிர்ச்சி அளிக்கின்றன. ராசிபுரத்தில் குழந்தை விற்பனையில் ஈடுபட்டதாக, விருப்ப ஓய்வு பெற்ற அரசு செவிலியர் மற்றும் அவரது கணவர் உள்ளிட்ட 7 பேர் கைது செய்யப்பட்டுள்ளனர். அதுவும் குழந்தை விற்பனை தொடர்பான ஆடியோ வெளியாகி தமிழகம் முழுக்க அதிர்வலைகளை ஏற்படுத்திய பிறகே இந்த நடவடிக்கை எடுக்கப்பட்டுள்ளது. பிறப்புச் சான்றிதழ் போன்ற ஆவணங்களை அவர்கள் போலியாக தயாரித்திருப்பதும் அம்பலமாகி இருக்கிறது. குழந்தை விற்பனை என்று ஆரம்பித்த இவ்விவகாரத்தில் குழந்தை கடத்தலும் நடந்திருப்பதாக புகார் கொடுக்கப்பட்டுள்ளது. இவை எதுவுமே காவல்துறைக்கும்,அரசு மருத்துவமனைகளில் உயர் பொறுப்புகளில் இருப்பவர்களுக்கும் தெரியாமல் நடந்திருக்க முடியாது.

பிடிபட்டிருக்கும் குழந்தை விற்பனை கும்பலின் பின்னால் பெரிய சட்டவிரோத சங்கிலிப் பிணைப்பு இருப்பதாக வெளியாகும் தகவல் பொதுமக்களிடையே அச்சத்தையும் கவலையையும் ஏற்படுத்தி இருக்கிறது. இதில் உண்மை நிலையை மக்களுக்குத் தெரியப்படுத்துவதும், முறையான விசாரணை நடத்தி குற்றவாளிகளுக்குத் தண்டனை பெற்றுத் தருவதும் மிகவும் முக்கியம். பொள்ளாச்சி பாலியல் வன்கொடுமை போன்ற சம்பவங்களில் அம்பலப்பட்டு நிற்கும் மக்கள் விரோத பழனிசாமி அரசு, அதனைச் செய்யும் என்ற நம்பிக்கை யாருக்கும் இல்லை. அதனால் சென்னை உயர்நீதிமன்றம் நேரடியாக இவ்விவகாரத்தில் தலையிட்டு, குழந்தை விற்பனை மற்றும் கடத்தல் புகார்கள் பற்றி முழுமையான விசாரணை நடத்த சிறப்புக் குழு அமைக்க வேண்டும். அந்த விசாரணையை உயர்நீதிமன்றமே கண்காணிக்க வேண்டும்.

மேலும் சென்னையில் வீடுகள் இன்றி சாலை ஓரங்களில் படுத்திருக்கும் குழந்தைகள் தொடர்ந்து கடத்தப்பட்டது குறித்த வழக்கில் பழனிச்சாமி அரசின் மோசமான செயல்பாடுகளை கடந்த ஆண்டு ஆகஸ்ட் மாதம் உயர்நீதிமன்றம் கடுமையாக விமர்சித்திருந்தது. “நாட்டின் எதிர்காலம் குழந்தைகள். அவர்கள் கடத்தப்படுவதைத் தடுக்க தமிழக அரசு தவறிவிட்டது. நீதிபதிகள் மற்றும் காவல் துறையினரின் குழந்தைகள் பாதுகாப்பாக இருந்தால் மட்டும் போதாது. இந்தியாவின் கடைசி குடிமகனின் குழந்தையும் பாதுகாப்பாக இருப்பதை தமிழக அரசு உறுதி செய்ய வேண்டும்” என்றும் நீதிபதிகள் கண்டனம் தெரிவித்திருந்தனர். ‘100க்கும் மேற்பட்ட தமிழக குழந்தைகள் வெளிநாடுகளுக்கும், குஜராத் உள்ளிட்ட வட மாநிலங்களுக்கும் கொண்டு செல்லப்படுவதற்கான காரணம் என்ன?’ என்று, பழனிச்சாமி அரசைப் பார்த்து அப்போது நீதிபதிகள் கேட்ட கேள்வி இன்னும் பதில் இன்றி அப்படியே இருக்கிறது.

இவற்றை எல்லாம் கருத்தில் கொண்டு, தமிழகத்தில் குழந்தை கடத்தலை முற்றிலுமாக தடுப்பதற்கான நடவடிக்கைகளை உயர்நீதிமன்றம் மேற்கொள்ள வேண்டும் என்று கேட்டுக் கொள்கிறேன். அப்போதுதான் குழந்தை கடத்தல் தடுப்புச் சட்டத்தில் உள்ள ஓட்டைகளைப் பயன்படுத்தி செயல்படும் சமூக விரோத வலைப்பின்னலை அறுத்தெறிந்து அப்பாவி பெற்றோரின் குழந்தைகளைக் காப்பாற்ற முடியும். அவர்களும் இந்த சமூகத்தில் நிம்மதியாக வாழ்வதற்கான வாய்ப்பை உருவாக்கித் தர முடியும்.

இவாறு அதில் தெரிவிக்கப்பட்டுள்ளது.

V.T. VIJAY,

Reporter/ Content Editor,

E TV bharat,

chennai.

+91 9629185442

For All Latest Updates