சென்னை தலைமைச் செயலகத்தில் செய்தியாளர்களைச் சந்தித்த பள்ளிக் கல்வித்துறை அமைச்சர் செங்கோட்டையன் கூறிய சில முக்கிய தகவல்கள்;
- இந்தியாவில் இதுவரை இல்லாத அளவுக்குக் கல்வி பாடத்திட்டத்தை க்யூ ஆர் கோட் இணைத்து வெளியிட்டுள்ளோம். இதன் மூலம் பாடத்திட்டத்தை மாணவர்கள் மடிக்கணினியிலே பயன்படுத்திக் கொள்ளலாம்.
- மாணவர்கள் ஓரிரு இடங்களில் போராட்டம் நடத்தி வருவது வேதனையளிக்கிறது. அம்மாணவர்களுக்கு மடிக்கணினி வழங்க முடிவெடுத்துள்ளோம். அதனை அவர்கள் நினைவுகூர்ந்து மூன்று மாதங்கள் காத்திருக்க வேண்டும்.
- காஞ்சிபுரத்தில் வரும் ஒன்றாம் தேதி தொடங்கி 40 நாள்களுக்கு ஆன்மிக நிகழ்ச்சி நடக்கவுள்ளதால் நகரில் படிக்கும் மாணவர்கள் எட்டரை மணி முதல் ஒன்றரை மணிவரை படித்துவிட்டுத் திரும்ப வேண்டும்.
- தண்ணீர் தேவையைக் காரணம் காட்டி பள்ளிகளுக்கு விடுப்பளிக்கும் கல்வி நிறுவனங்கள் மீது கடுமையான நடவடிக்கை எடுக்கப்படும்
- ஸ்மார்ட் அட்டை தற்போது 11 லட்ச மாணவர்களுக்கு வழங்கப்பட்டுள்ளது. அடுத்த மாதம் 15 ஆம் தேதிக்குள் எல்லா மாணவர்களுக்கும் ஸ்மார்ட் காடுகள் வழங்கப்பட்டுவிடும்.
- 102 கோடி ரூபாய் செலவில் பள்ளி கட்டிடங்கள், கழிப்பறை, சுற்றுச் சுவர்கள், ஆய்வுக் கூடங்கள் என்று பல்வேறு பணிகள் நடைபெற்று வருகிறது.
- புதிய தேசியக் கல்விக் கொள்கை குறித்து முதலமைச்சர், நாளை மறுநாளுக்குள் பிரதமருக்குக் கடிதம் எழுதவுள்ளார். விரைவில் அறிவிப்பு வெளியாகும்.
- தனியார்ப் பள்ளிகளில் அதிக கட்டணம் வசூலிப்பதை ஓய்வு பெற்ற நீதிபதி மாசிலாமணி தலைமையில் குழு அமைத்து கண்காணிக்கப்பட்டு வருகிறது.
- சி.பி.எஸ்.இ க்கு இணையான போட்டித் தேர்வு பாடத்திட்டத்தின் கோப்பு முதல்வரிடத்தில் அளிக்கப்பட்டுள்ளது. நிச்சயமாக அதில் மொழிப் பாடம் இருக்கும்.
