மாசி மாதத்தில் வரும் பௌர்ணமி நாளன்று மாசிமகம் கொண்டாடப்படுவது வழக்கம். இதையொட்டி கோயில்களில் சிறப்பு வழிபாடுகள் நடைபெற்றன. கடற்கரை, ஆறுகளிலும் பொதுமக்கள் தங்களின் முன்னோர்களுக்கு தர்ப்பணம் கொடுத்தனர்.
இதனிடையே, மாசிமகத்தை முன்னிட்டு அரியலூரில் ஜல்லிக்கட்டுப் போட்டி நடைபெற்றது. இதில், அரியலூர், பெரம்பலூர், திருச்சி, தஞ்சாவூர் உள்ளிட்ட பல்வேறு மாவட்டங்களிலிருந்து 350 காளைகளும் 300 மாடுபிடி வீரர்களும் பங்கேற்றனர்.
திருமானூரில் நடைபெற்ற ஜல்லிக்கட்டுப் போட்டி
போட்டியில் காளையை அடக்கிய மாடுபிடி வீரர்களுக்கும், பிடிபடாத காளைகளின் உரிமையாளர்களுக்கும் தங்க நாணயம், வெள்ளி பொருள்கள், பீரோ, கட்டில் உள்ளிட்ட பல்வேறு பரிசுப் பொருள்கள் வழங்கப்பட்டன. ஜல்லிக்கட்டுப் போட்டியினை ஏராளமான பொதுமக்கள் கண்டு ரசித்தனர்.
இதையும் படிங்க: கடலூரில் மாசிமகம் திருவிழா கொண்டாட்டம்
