டோக்கியோ: மாற்றுத் திறனாளிகள் பங்கேற்கும் பாரா ஒலிம்பிக் தொடர் ஆகஸ்ட் 24ஆம் தேதி தொடங்கியது. வரும் செப்டம்பர் 5ஆம் தேதிவரை நடைபெற உள்ள தொடரில், இந்தியா சார்பில் மொத்தம் 54 வீரர்கள் பங்கேற்றுள்ளனர்.
இந்நிலையில், பாரா டேபிள் டென்னிஸ் மகளிர் ஒற்றையர் சி-4 பிரிவில் காலிறுதிப் போட்டிகள் இன்று (ஆக. 27) நடைபெற்றன. இதில், இந்திய வீராங்கனை பவினாபென் படேல், செர்பிய வீராங்கனை போரிஸ்லாவா ரான்கோவிக் பெரிக் உடன் மோதினார்.
18 நிமிடங்களில் க்ளோஸ்
ஆட்டத்தின் தொடக்கத்தில் இருந்தே ஆதிக்கம் செலுத்திவந்த பவினாபென் படேல், இந்த ஆட்டத்தை 18 நிமிடங்களில் நிறைவு செய்தார். பவினாபென் படேல் 11-5, 11-6, 11-7 என மூன்று செட்களையும் வென்று செர்பிய வீராங்கனையை வீழ்த்தினார்.
இதன்மூலம், அரையிறுதிக்கு தகுதிபெற்றுள்ள பவினாபென், டோக்கியோ பாரா ஒலிம்பிக்கில் இந்தியாவுக்கு ஒரு பதக்கத்தை உறுதிசெய்துள்ளார். மேலும், இதுவே பாரா ஒலிம்பிக்கில் இந்தியா, டேபிள் டென்னிஸ் போட்டிகளில் வாங்கப்போகும் முதல் பதக்கம் என்பது குறிப்பிடத்தக்கது.
-
A stellar match @BhavinaPatel6!! 🤩 Not only have you made history by becoming 1st #IND woman to reach @Paralympics #TableTennis semifinal, you did this at your maiden Games defeating an experienced #Paralympics medalist & World no. 2!! Keep this momentum going 🎉🤩 #Praise4Para https://t.co/YlFVxQhSSw
— Paralympic India 🇮🇳 #Cheer4India 🏅 #Praise4Para (@ParalympicIndia) August 27, 2021 " class="align-text-top noRightClick twitterSection" data="
">A stellar match @BhavinaPatel6!! 🤩 Not only have you made history by becoming 1st #IND woman to reach @Paralympics #TableTennis semifinal, you did this at your maiden Games defeating an experienced #Paralympics medalist & World no. 2!! Keep this momentum going 🎉🤩 #Praise4Para https://t.co/YlFVxQhSSw
— Paralympic India 🇮🇳 #Cheer4India 🏅 #Praise4Para (@ParalympicIndia) August 27, 2021A stellar match @BhavinaPatel6!! 🤩 Not only have you made history by becoming 1st #IND woman to reach @Paralympics #TableTennis semifinal, you did this at your maiden Games defeating an experienced #Paralympics medalist & World no. 2!! Keep this momentum going 🎉🤩 #Praise4Para https://t.co/YlFVxQhSSw
— Paralympic India 🇮🇳 #Cheer4India 🏅 #Praise4Para (@ParalympicIndia) August 27, 2021
தயவுசெய்து ஆதரவளியுங்கள்
இப்போட்டிக்கு பின் பேசிய பவினாபென்,"மக்கள் ஆதரவு இருந்தால் நிச்சயமாக அரையிறுதியில் வெற்றி பெற முடியும். தயவுசெய்து எனக்கு ஆதரவளியுங்கள்" என பொதுமக்களுக்கு வேண்டுகோள் விடுத்துள்ளார்.
இரண்டு வெண்கலம்
டேபிள் டென்னிஸ் அரையிறுதிப் போட்டிகளில் தோல்வியடையும் இருவருக்கும் வெண்கலப் பதக்கம் கொடுக்க வேண்டும் என்று சர்வதேச டேபிள் டென்னிஸ் கூட்டமைப்பு கோரிக்கை வைத்தது. இதை ஏற்றுக்கொண்ட சர்வதேச பாரா ஒலிம்பிக் கமிட்டி கடந்த 2017ஆம் ஆண்டில் நடைபெற்ற நிர்வாக குழுவில், அரையிறுதியில் இரு தோல்வியாளர்களுக்கும் வெண்கலப் பதக்கம் வழங்கப்படும் என்று முடிவெடுக்கப்பட்டது.
நாளை (ஆக. 28) நடைபெறும் அரையிறுதிப் போட்டியில், பவின்பென் படேல், சீன வீராங்கனை ஜாங் மியாவோவை சந்திக்கிறார்.
இதையும் படிங்க: TOKYO PARALYMPICS POWERLIFTING: இறுதிச்சுற்றில் 5ஆவது இடம்பிடித்த சகினா கத்துன்
