கிராண்ட் பிரிக்ஸ் ஹாசன் ஏடிபி டென்னிஸ் தொடர் மொராக்கோவில் நடைபெற்று வருகிறது. இதில், ஆடவர் இரட்டையர் பிரிவு காலிறுதிப் போட்டியில் இந்தியாவின் பயஸ், பிரான்சின் பெனாய்ட் இணை, ஆஸ்திரேலியாவின் ஆலிவர், பிலிப் ஜோடியை எதிர்கொண்டது.
முதல் செட்டில் சிறப்பாக ஆடிய பயஸ் இணை 7-5 என்ற கணக்கில் வெற்றிபெற்றது. இதையடுத்து, நடைபெற்ற இரண்டாம் செட்டில் 3-6 என்ற கணக்கில் பயஸ் இணை தோல்வி அடைந்தது.
இதைத்தொடர்ந்து, வெற்றியாளரை தீர்மானிக்கும் முறையாக சூப்பர் டைபிரேக்கர் சுற்று நடைபெற்றது. இதில், கடுமையாக ஆட்டத்தை வெளிபடுத்திய பயஸ் இணை 12-10 என்ற புள்ளிகள் வித்தியாசத்தில் வெற்றிபெற்றது. இதன் மூலம் பயஸ் இணை 7-5, 3-6, 12-10 என்ற செட் கணக்கில் வெற்றிபெற்று அரையிறுதிச் சுற்றுக்கு தகுதிபெற்றுள்ளது.
