டென்னிஸ் போட்டியில் தலை சிறந்த வீரராகத் திகழ்பவர் ரோஜர் ஃபெடரர். இதுவரை 20 கிராண்ட் ஸ்லாம் பட்டங்களை வென்றுள்ள, இவரது கேமைப் பார்க்க எப்போதும் ரசிகர்கள் அதிக அளவில் மைதானத்துக்கு வருகை தருவது வழக்கம்.
அந்த வகையில், இவர் மெக்ஸிகோவில் ஜெர்மனி வீரர் அலக்சாண்டர் ஜூவ்ரெவுடான போட்டியில் மோதினார். ஃபெடரர் 10 ஆண்டுகளுக்குப் பிறகு முதல்முறையாக மெக்ஸிகோவில் விளையாடியதால், இவரது ஆட்டத்தைப் பார்க்க 42 ஆயிரத்து 517 ரசிகர்கள் மைதானத்தில் வந்திருந்தனர். டென்னிஸ் போட்டியைப் பார்வையிட 40 ஆயிரத்திற்கும் மேற்பட்ட ரசிகர்கள் கூடியது இதுவே முதல்முறையாகும்.
இதற்கு முன்னதாக, 2010இல் பெல்ஜியத்தில் அமெரிக்காவின் செரினா வில்லியம்ஸ் - பெல்ஜியம் வீராங்கனை கிம் கிளிஸ்டர்ஸ் ஆகியோருக்கு இடையே நடைபெற்ற போட்டியை 35 ஆயிரத்து 681 ரசிகர்கள் பார்வையிட்டதே, சாதனையாக இருந்தது குறிப்பிடத்தக்கது.
2021ஆம் ஆண்டு ஐபிஎல் தொடர்வரை கிரிக்கெட் ஆடவுள்ள தோனி: ரசிகர்கள் மகிழ்ச்சி!
