2020ஆம் ஆண்டுக்கான அர்ஜென்டினா ஓபன் டென்னிஸ் தொடர் பியூனோஸ் ஏர்ஸில் பிப்.8ஆம் தேதி தொடங்கி நேற்று முடிவடைந்தது. இதன் இறுதிப் போட்டியில் நார்வே வீரர் கேஸ்பர் ரூட்டை எதிர்த்து போர்ச்சுக்கல் வீரர் பெட்ரோ சவுஸா விளையாடினார்.
இதன் முதல் செட்டிலிருந்தே கேஸ்பர் சிறப்பாக விளையாடினார். இதனால் முதல் செட்டை 6-1 என்று அபாரமாகக் கைப்பற்றிய கேஸ்பர், இரண்டாவது செட்டை 6-4 என்ற கணக்கில் கைப்பற்றி அர்ஜென்டினா ஓபன் டென்னிஸ் கோப்பையை வென்றார்.
21 வயதாகும் கேஸ்பர் முதல் முறையாக அர்ஜென்டினா ஓபன் டென்னிஸ் தொடரை வென்றுள்ளார். இந்த ஆட்டத்தில் 9 முறை சர்வ் செய்த கேஸ்பர் ஒருமுறை கூட பிரேக் பாய்ண்ட்டை எதிர்கொள்ளவில்லை என்பதோடு, மூன்று முறை பிரேக் பாய்ண்ட்டை முறியடித்தார் என்பது குறிப்பிடத்தக்கது.
இதையும் படிங்க: யுவராஜ் சிங்கின் காதலர் தின பதிவை கலாய்த்த இர்பான் பதான்!
