2018-19ஆம் ஆண்டிற்கான ஆதிதிராவிடர் மற்றும் பழங்குடியினர் நலத்துறையின் கீழ் இயங்கும் உயர்நிலை மற்றும் மேல்நிலைப் பள்ளிகளுக்கு மாவட்ட அளவிலான விளையாட்டுப் போட்டிகள் சேலம் காந்தி மைதானத்தில் நடைபெற்றன.
இந்த போட்டியில் சேலம், நாமக்கல், நீலகிரி உள்ளிட்ட பல்வேறு மாவட்டங்களைச் சேர்ந்த 600க்கும் மேற்பட்ட மாணவ-மாணவிகள் பங்கேற்றனர். இதில் கபடி, கைப்பந்து, வளைப்பந்து , ஈட்டி எறிதல், 400 மீட்டர் தொடர் ஓட்டம் ஆகிய போட்டிகள் நடைபெற்றன.
சேலம் மாவட்ட ஆட்சியர் ராமன் தொடங்கி வைத்த இந்த போட்டிகள் இரண்டு நாட்கள் நடைபெறும் எனத் தெரிவிக்கப்பட்டுள்ளது. மேலும் இப்போட்டிகளில் கலந்துகொண்டுள்ள மாணவர்கள், தங்களது திறமைகளை வெளிப்படுத்தி வருகின்றனர்.
