இங்கிலாந்தின் பாரம்பரிய கால்பந்து தொடரான இங்கிலீஷ் பிரீமியர் லீக் தொடர் அந்நாட்டின் பல்வேறு நகரங்களில் நடைபெற்றுவருகிறது. இன்று நடைபெற்ற லீக் போட்டியில் லிவர்பூல் எஃப்சி - ஷெஃபீல்ட் யுனைடெட் அணியுடன் பலப்பரீட்சை நடத்தியது.
பரபரப்பான இப்போட்டியின் முதல் பாதி ஆட்டத்தில் இரு அணிகளும் சம பலத்துடன் மோதியதால் கோலேதுமின்றி சமநிலையில் இருந்தது.
இதையடுத்து நடைபெற்ற இரண்டாம் பாதி ஆட்டத்தில் சிறப்பாக விளையாடிய லிவர்பூல் அணிக்கு கர்டிஸ் ஜோன்ஸ் 48ஆவது நிமிடத்திலும், கீன் பிரைன் 65ஆவது நிமிடத்திலும் கோலடித்து அணியின் வெற்றியை உறுதிசெய்தனர்.
இறுதிவரை கோலடிக்க முயற்சி செய்துவந்த ஷெஃபீல்ட் யுனைடெட் அணியால் எதிரணியின் டிஃபென்ஸ் பிரிவைத் தாண்டி கோலடிக்க முடியவில்லை. ஆட்டமுடிவில் லிவர்பூல் அணி 2-0 என்ற கோல் கணக்கில் ஷெஃபீல்ட் யுனைடெட் அணியை வீழ்த்தி வெற்றியைப் பதிவுசெய்தது.
இதையும் படிங்க: விஜய் ஹசாரே: அதிரடி ஆட்டத்தில் மிரட்டிய ஷர்துல்; மும்பை அணி அபார வெற்றி!
