ஐபிஎல் தொடரின் இன்றைய லீக் ஆட்டத்தில் விராட் கோலி தலைமையிலான ராயல் சேலஞ்சர்ஸ் பெங்களூரு அணி, ஸ்ரேயாஸ் ஐயர் தலைமையிலான டெல்லி கேப்பிட்டல்ஸ் அணியை எதிர்கொண்டது.
இப்போட்டியில் டாஸ் வென்ற ஆர்சிபி அணியின் கேப்டன் விராட் கோலி, முதலில் பந்துவீச்சை தேர்வு செய்தார். அதன்படி களமிறங்கிய டெல்லி அணிக்கு பிரித்வி ஷா - ஷிகர் தவான் அதிரடியான தொடக்கத்தை தந்தனர்.
இப்போட்டியில் அரைசதமடிப்பார் என்று எதிர்பார்க்கப்பட்ட பிரித்வி ஷா 42 ரன்களில் விக்கெட்டை இழந்து வெளியேறினார். அவரை தொடர்ந்து ஷிகர் தவானும் 32 ரன்களுடன் நடையை கட்டினார்.
பின்னர் வந்த கேப்டன் ஸ்ரேயாஸ் ஐயர், 11 ரன்களில் ஆட்டமிழந்து ஏமாற்றமளித்தார். அவரை தொடர்ந்து ஜோடி சேர்ந்த ஸ்டோனிஸ் - பந்த் இணை அதிரடியாக விளையாடி அணியின் ஸ்கோரை உயர்த்தினர். தொடர்ந்து அதிரடியில் மிரட்டி வந்த ஸ்டோய்னிஸ், ஐபிஎல் தொடரில் தனது மூன்றாவது அரைசதத்தை பதிவு செய்து அசத்தினார்.
இதன் மூலம் 20 ஓவர்கள் முடிவில் டெல்லி கேப்பிட்டல்ஸ் அணி நான்கு விக்கெட்டுகளை இழந்து 196 ரன்களை குவித்தது. அந்த அணியில் அதிகபட்சமாக ஸ்டோய்னிஸ் 53 ரன்களை எடுத்தார்.
இதையும் படிங்க: இபிஎல்: லிவர்பூலை புரட்டியெடுத்த ஆஸ்டன் வில்லா!
