ஐபிஎல் டி20 கிரிக்கெட் தொடரின்15ஆவது லீக் போட்டியில், மும்பை இந்தியன்ஸ் அணியை, சென்னை சூப்பர் கிங்ஸ் அணி எதிர்கொள்கிறது. இன்று இரவு 8 மணிக்கு தொடங்கும் இந்தப் போட்டி மும்பை வான்கடே மைதானத்தில் நடைபெறவுள்ளது.
பலம் வாய்ந்த இரண்டு அணிகளும், தலா மூன்று முறை கோப்பையை வென்றுள்ளன. 2019 ஐபிஎல் டி20 கிரிக்கெட் தொடரில் இதுவரை வெற்றியை மட்டுமே பார்த்த சென்னை சூப்பர் கிங்ஸ் அணி மும்பை இந்தியன்ஸ் அணியின் சொந்த மண்ணிலேயே தனது வெற்றி வேட்டையை தொடருமா? என்ற முனைப்புடன் ஆட்டத்தை காண ரசிகர்கள் ஆர்வமாக உள்ளனர்.
2019 ஐபிஎல் டி20 கிரிக்கெட் தொடரில் மும்பை இந்தியன்ஸ் அணி இதுவரை மூன்றுபோட்டிகளில் விளையாடியுள்ளது. இதில் டெல்லி கேபிட்டல்ஸ் அணியிடமும், கிங்ஸ் லெவன் பஞ்சாப் அணியிடமும் தோல்வியடைந்தது குறிப்பிடத்தக்கது.
