'என் இனிய உடன்பிறப்புகளே நலமா'? இம்ரான் தாஹிர் ட்வீட் - தோனி

இந்த ஆண்டுக்கான ஐபிஎல் தொடர் தொடங்குவதற்கு இன்னும் ஒரேயொரு நாள் இருக்கும் நிலையில், சென்னை ரசிகர்களை குதூகலப்படுத்தும் விதமாக, அந்த அணியின் சுழற்பந்துவீச்சாளர் இம்ரான் தாஹிர் பதிவிட்டுள்ள ட்வீட் இணைய தளத்தில் வைரலாகி வருகிறது.

இம்ரான் தாஹிர்

Published : Mar 21, 2019, 11:27 AM IST

ஐபிஎல் டி20 கிரிக்கெட் தொடரின் 12வது சீசன் தொடங்குவதற்கு இன்னும் ஒரு நாள்தான் உள்ளது. மார்ச் 23 ஆம் தேதி சென்னை சேப்பாக்கம் மைதானத்தில் நடைபெறவுள்ள முதல் போட்டியில் நடப்பு சாம்பியன் சென்னை அணி, பெங்களூரு அணியுடன் மோதவுள்ளது.

இதற்காக இரு அணி வீரர்களும் தீவர பயிற்சியில் ஈடுபட்டு வருகின்ற நிலையில், சிஎஸ்கே அணியின் வீரரும், தென்னாப்பிரிக்கா அணியின் சுழற்பந்துவீச்சாளருமான இம்ரான் தாஹிர் ட்வீட் செய்துள்ளார்.

அதில், என் இனிய உடன்பிறப்புகளே நலமா? உங்கள் அனைவரையும் சந்திக்க ஆவலுடன் வரும் உங்கள் சகோதரன். அடிச்சி தூக்கலாமா. எடுடா வண்டிய போடுடா விசில என்று தமிழ் கலந்த ஆங்கிலத்தில் ட்வீட் செய்ததுடன், வீடியோ ஒன்றையும் வெளியிட்டுள்ளார். இவரது ட்வீட் இணைய தளத்தில் தற்போது வைரலாகி வருகிறது.

இம்ரான் தாஹிர் இதுபோன்று ட்வீட் செய்து ஒன்றும் புதிதல்ல. அவர் கடந்த சீசனிலேயே இதுபோன்ற ஏராளமான ட்வீட்களை பதிவிட்டுள்ளார்.

இன்னும் ஒரேயொரு நாள்.... தேர்தலுக்கான கவுன்டிங் என்று நினைக்க வேண்டாம். தேர்தல் போலவே சென்னை வெயிலில் சூட்டை கிளப்பிக் கொண்டிருக்கும் ஐபிஎல் ஆரம்பிக்கதான் அந்த கவுன்டிங்.. 12 வது ஐபிஎல் சீசன் வரும் 23ம் தேதி ஆரம்பிக்கிறது. சென்னை மட்டுமல்லாது ஒட்டுமொத்த தமிழகத்தின் ஒரே டீம் 'சென்னை சூப்பர் கிங்ஸ்' அணியின் ஆட்டத்தோடு சென்னையில் போட்டி தொடங்குகிறது. 'தல' தோனி தலைமையிலான இந்த அணி எப்பவுமே எதிரணிக்கு சிம்ம சொப்பனம்தான். நம்ம 'தல' அஜீத்துக்கு அப்புறம் தமிழகமே தலையில் வைத்து கொண்டாடும் இன்னொரு தல தோனி. சென்னை அணியில் அனைத்து வரிசை வீரர்களும் தனது திறமையை காட்டுவதில் வல்லவர்கள். இதனை ஐபிஎல் முதல் சீசனிலேயே சிஎஸ்கே அணி காட்டியுள்ளது. இதனால் சிஎஸ்கே வீரர்களை தங்களது குடும்பத்தாரை போல தமிழக ரசிகர்கள் கொண்டாட ஆரம்பித்தனர். இதனால் வருடாவருடம் ஐபிஎல்லுக்காக காத்திருக்கும் ரசிகர் பட்டாளம் அதிகமானது. சிஎஸ்கே அணியை புகழ்ந்து டுவிட்டர், பேஸ்புக்கில் நமது ஆட்கள் எழுதி தள்ளினர். சிஎஸ்கே அணிக்கு இடையில் இரண்டு ஆண்டுகள் தடை விதிக்கப்பட்டது. இதனால் இந்த வருடங்களில் ஐபிஎல் தமிழகத்தில் சரியாக சோபிக்கவில்லை. கடந்த ஆண்டு நடந்த ஐபிஎல்லில் தடை நீங்கி விளையாட வந்த அணியில் சுழற்பந்து வீச்சாளர் ஹர்ஜன்சிங் இணைந்தார். இவர் சென்னை வருவதற்கு முன்பாகவே தமிழ் ரசிகர்களின் நாடியை பிடித்து விட்டார் போல. டுவிட்டர், பேஸ்புக்கில் தமிழில் எழுதலானார். தனது சிஎஸ்கே அணியில் தோனி, ஹர்பஜன், இம்ரான் தாஹீர் என மூத்த வீரர்களே களம் இறங்கினர். இதனால் அந்த அணியை 'டாட்ஸ் ஆர்மி' என்று கூறினர். ஆனால் அதேப்போலவே சிஎஸ்கே அணியும் நாங்கள் கிரிக்கெட்டில் உனக்கு அப்பன்டா (Dad) என்று சிக்சர் விளாசி வெற்றிக் கோப்பையை பெற்று சென்னை ரசிகர்களின் விசிலை பெற்றனர். தற்போது இந்த ஆண்டு போட்டி நடக்க உள்ளது. இதற்காக சென்னை வந்துள்ள தென்ஆப்பிரிக்க வீரரான இம்ரான் தாஹீரும் ஹர்பஜனது டிரிக்கை கையில் எடுத்துள்ளார். தனது டுவிட்டர் பதிவில் 'என் இனிய உடன்பிறப்புகளே நலமா? உங்கள் அனைவரையும் சந்திக்க ஆவலுடன் வரும் உங்கள் சகோதரன். அடிச்சி தூக்கலாமா. எடுடா வண்டிய போடுடா விசில. என்று உள்ளது. அத்தோடு ஒரு வீடியோ ஒன்றையும் அவர் வெளியிட்டுள்ளார். இன்னொரு டுவீட்டில் இது தன்னால சேந்ந கூட்டம். அன்பு சாம்ராஜ்யம். யாராலயும் அழிக்க முடியாது, என்று 'தங்கிலீஷில்' அவர் பதிவிட்டுள்ளார். தற்போது சிஎஸ்கே ரசிகர்கள் இதை பகிர்ந்து வருகின்றனர்.

For All Latest Updates