ஐதராபாத்: ஐசிசி உலகக் கோப்பையில் பங்கேற்கும் இலங்கை அணி தங்களது அணி வீரர்களை தயார் செய்து வருகிறது. இலங்கை அணி சுழற்பந்து வீச்சாளர்கள் இந்திய மைதாங்களில் தனது சிறப்பான ஆட்டத்தை வெளிப்படுத்த முடியும். இந்தியன் பிரீமியர் லீக்கில் இலங்கை வீரர்கள் இந்திய மைதானங்களில் தங்களது சிறபான ஆட்டத்தை வெளிப்படுத்தியிருக்கின்றனர்.
ஆகையால் இந்தியாவில் உள்ள மைதாங்னங்கள் குறித்து அவர்களுக்கு நன்கு தெரியும். இதனால், இலங்கை அணியினர் மற்ற அணிகளுக்கு டஃப் கொடுக்கும் என எதிர்ப்பார்க்கப்படுகிறது. அந்த வகையில் உலகக் கோப்பை போட்டியில் இலங்கை அணி சார்பில் களமிறங்கவுள்ள ஐந்து முக்கிய வீரர்கள் குறித்து காணலாம்.
1. மகேஷ் தீக்ஷனா (Maheesh Theekshana)
இதன் முதல் வரிசையில் இலங்கை அணியின் சுழற்பந்து வீச்சாளர் மகேஷ் தீக்ஷனா இடம் பெறுகிறார். இலங்கை அணி வீரர்களில் மிக முக்கியமான வீரர் மகேஷ் தீக்ஷனா. தீக்ஷனா, தனது கேரம் பந்தின் மூலம் சுலபமாக விக்கெட் எடுக்கக்கூடியவர். இவரது பந்து வீச்சிற்கு எதிரணி வீரர்கள் தடுமாறுவார்கள். தனது சுழற்பந்தின் மூலம் பேட்ஸ்மென்களை குழப்பமடைய செய்யக்கூடியவர். மேலும், இந்திய மைதானங்களில் அவருக்கு பந்து வீசுவதில் நன்கு அனுபவம் உள்ளது.
மஹேஷ் தீக்ஷன, இந்திய அணியின் முன்னாள் கேப்டன் மகேந்திர சிங் தோனியின் தலைமையில் சென்னை சூப்பர் கிங்ஸ் அணிக்காக ஐபிஎல் தொடரில் சிறப்பாக செயல்பட்டார். இதுவரை 27 ஒருநாள் போட்டிகளில் விளையாடிய அவர் 44 விக்கெட்டுகளை வீழ்த்தியுள்ளார். அவரது எக்கனாமி ரேட் 4.50 ஆக இருந்தது. விக்கெட்டுகளை எடுப்பதோடு, ரன்களையும் கட்டுப்படுத்துவதில் தீக்ஷானா சிறப்பு வாய்ந்தவர்.
2. மதீஷ் பத்திரன (Matheesha Pathirana)
இரண்டாவதாக இலங்கையின் இளம் வேகப்பந்து வீச்சாளர் மதீஷ் பத்திரனா உள்ளார். இலங்கை அணிக்கு மிக முக்கியமான பந்து வீச்சாளராக தொடர்ந்து நிரூபித்து வருகிறார். பத்திரன, லசித் மலிங்கவைப் போல் பந்து வீசுகிறார். பெரிய பேட்ஸ்மென்கள் அவரது யார்க்கர் பந்துகளுக்கு திணறுவார்கள். இந்திய மைதானங்களில் பந்து வீசுவதில் பத்திரனாவுக்கு நிறைய அனுபவம் உள்ளது. சென்னை சூப்பர் கிங்ஸ் அணிக்காக ஐபிஎல் தொடரில் விளையாடும்போது, தனது அனல் பறக்கும் பந்துகளால் உலகத் தரம் வாய்ந்த பேட்ஸ்மென்களை கலங்கடிக்கச் செய்தார். பத்திரன 10 ஒருநாள் போட்டிகளில் 6.6 என்ற எக்கனாமி ரேட்டில், ரன்களை கொடுத்து 15 விக்கெட்டுகளை வீழ்த்தியுள்ளார்.
3. குசல் மெண்டிஸ் (Kusal Mendis)
மூன்றாவதாக இலங்கை அணியின் விக்கெட் கீப்பரும் பேட்ஸ்மேனும் ஆன குசல் மெண்டிஸ் இருக்கிறார். ஆசிய கோப்பையில் தனது அணிக்காக அதிக ரன்கள் எடுத்தவர். மெண்டிஸ் நீண்ட இன்னிங்ஸுக்கு பெயர் பெற்றவர். திறமைவாய்ந்த பவுலர்ஸ் கூட குசல் மெண்டிஸிடம் தடுமாறுவர். அவர் நீண்ட காலமாக அணிக்காக சிறப்பாக பேட்டிங் செய்து வருகிறார். இதுவரை, அவர் 112 ஒருநாள் போட்டிகளில் 32.15 சராசரி மற்றும் 84.44 ஸ்ட்ரைக் ரேட்டுடன் 3,215 ரன்கள் எடுத்துள்ளார்.
4. தனஞ்சய டி சில்வா (Dhananjaya de Silva)
இலங்கையின் சிறந்த ஆட்டக்காரரான தனஞ்சய டி சில்வா நான்காவது இடத்தில் இருக்கிறார். இவர், பேட்டிங்கிலும் பந்து வீசுவதிலும் சிறங்கு விளங்கக்கூடியவர். தனஞ்சய டி சில்வா, தனது சுழற் பந்துகளால் பேட்ஸ்மென்களை திணறடிப்பார். பேட்டிங் செய்யும் போது, தனஞ்சய டி சில்வா அற்புதமாக விளையாடி பந்துகளை பவுண்டரியை நோக்கி வீசிக்கொண்டே இருப்பவர். இதுவரை 82 ஒருநாள் போட்டிகளில் விளையாடிய அவர், 10 சதங்களின் 26.53 சராசரி மற்றும் 57.24 ஸ்ட்ரைக் ரேட்டில் 1,725 ரன்கள் எடுத்துள்ளார். பவுலிங்கில், 4.95 எக்கனாமி ரேட்டில் 44 விக்கெட்டுகளை வீழ்த்தியுள்ளார்.
5. தசுன் ஷனகா (Dasun Shanaka)
இந்த வரிசையில் ஐந்தாவது இடத்தில் இருப்பவர் இலங்கையின் முக்கிய வீரர்களில் அணித் தலைவர் தசுன் ஷனகா. ஷனகா அணியை வழிநடத்துவது மட்டுமின்றி பேட்டிங், பவுலிங் என இரண்டிலையும் தனது பங்களிப்பை கொடுத்துள்ளார். சிறந்த ஆட்டக்காரரான ஷனகா 67 போட்டிகளில் 22.29 சராசரி மற்றும் 92.04 ஸ்ட்ரைக் ரேட்டில் இரண்டு சதங்கள் மற்றும் மூன்று அரை சதங்களுடன் 1,024 ரன்கள் எடுத்துள்ளார். ஷனகா 5.72 பொருளாதாரத்துடன் 27 விக்கெட்டுகளையும் வீழ்த்தியுள்ளார்.
இந்தியாவில் நடைபெறும் உலகக் கோப்பை போட்டியில் எதிரணிகளுக்கு டஃப் கொடுத்து தனது சிறப்பான ஆட்டத்தை இலங்கை வெளிப்படுத்தும் என கருதப்படுகிறது. மேலும், பரிட்ஷமான இந்திய மைதாங்னகளில் எப்படி பேட்டிங் மற்றும் பவுலிங் செய்வது என இலங்கை அணி வீரர்களுக்கு நன்கு தெரியும். ஆகையில், எதிரணிகளுக்கு இலங்கை அணி கடும் சவாலாக இருப்பதில் மாற்றுக்கருத்தில்லை. இலங்கை அணிக்காக முதல் போட்டி அக்.7ஆம் தேதி தென்னாப்பிரிக்காவுடன் நடைபெறவுள்ளது.
இதையும் படிங்க: Cricket World Cup 2023: உலகக் கோப்பை போட்டியில் முத்திரை பதித்த ஐந்து பந்து வீச்சாளர்கள்!
