சையத் முஷ்டாக் அலி என்பவர் இந்திய கிரிக்கெட் அணிக்காக 1934ஆம் ஆண்டு முதல் 1948ஆம் ஆண்டு வரை ஆடியவர். 11 டெஸ்ட் போட்டிகளில் ஆடிய சையத் முஷ்டாக் அலி, இந்திய அணிக்காக வெளிநாட்டில் சதம் விளாசிய முதல் வீரராவார். 1936ஆம் ஆண்டு இங்கிலாந்து அணிக்கு எதிரான ஆட்டத்தில் மான்செஸ்டர் மைதானத்தில் 112 ரன்கள் விளாசினார். இவரை கௌரவிக்கும் விதமாக இவரது பெயரில் 2009ஆம் ஆண்டு முதல், உள்நாட்டு வீரர்களுக்காக பிசிசிஐயால் நடத்தப்படும் டி20 தொடரே சையத் முஷ்டாக் அலி டிராபியாகும்.
ரஞ்சி டிராபி தொடருக்குச் சரிசமமாகப் பார்க்கப்படும் சையத் இத்தொடர் என்பதால் வீரர்களிடையே மிகப்பெரிய ஆட்டத்திறன் வெளிப்படும். இந்தத் தொடர் குறித்து பிசிசிஐ அலுவலர் ஒருவர் ஏளனமாகப் பேசியது சர்ச்சையை ஏற்படுத்தியுள்ளது.
வெளிநாட்டு வீரர்கள் இல்லாமலேயே ஐபிஎல் தொடர் நடக்குமா என பிசிசிஐ அலுவலரிடம் கேட்டபோது, ''ஆட்டத்தின் தரம் மோசமாக இருக்கக் கூடாது என்பதால் அதனைப்பற்றி பிசிசிஐ முடிவுசெய்யவுள்ளது. இன்னொரு சையத் முஷ்டாக் அலி டிராபி போல் ஆடுவதை விரும்பவில்லை'' என்று அவர் கூறியிருந்தார்.
