இந்தியாவுக்கு பயணம் வந்துள்ள தென்னாப்பிரிக்க மகளிர் அணி 5 டி20, மற்றும் 3 ஒருநாள் போட்டிகளில் பங்கேற்று விளையாடவுள்ளது. இதன் முதல் போட்டி நேற்று நடைபெற்ற நிலையில், அறிமுக வீராங்கனையாக 15 வயதேயான சஃபாலி வர்மா களமிறங்கியது ரசிகர்களிடையே ஆச்சரியத்தை ஏற்படுத்தியுள்ளது.
முதல் போட்டியில் களமிறங்கிய சஃபாலி வர்மா 4 பந்துகளை மட்டுமே எதிர்கொண்டு ரன் ஏதும் எடுக்காமல் பெவிலியன் திரும்பினார்.
15 வயதிலேயே தனது கிரிக்கெட் பயணத்தை தொடங்கிய சஃபாலி வர்மாவுக்கு பல்வேறு தரப்பினரும் வாழ்த்துகளை தெரிவித்து வருகின்றனர்.
இந்தியாவிலேயே மிக இளம் வயதில் டி20 அணியில் அறிமுகமாகி சஃபாலி வர்மா சாதனைப் படைத்துள்ளார் என்பது குறிப்பிடத்தக்கது.
