தென் ஆப்பிரிக்க அணியின் முன்னாள் நட்சத்திர ஆல்ரவுண்டராக வலம்வந்தவர் ஜே.பி. டுமினி. இவர் ஜிம்பாப்வே அணியின் வேகப்பந்து வீச்சாளர் பொம்மி ம்பாங்வா (Pommie Mbangwa) உடன் இன்ஸ்டாகிராம் நேரலையில் உரையாற்றினார். அப்போது, தனக்கு மிகவும் பிடித்த பேட்ஸ்மேனாக இந்திய அணியின் துணை கேப்டன் ரோகித் சர்மாவை டுமினி தேர்வு செய்துள்ளார்.
இது குறித்து பேசிய டுமினி, ”கிரிக்கெட்டில் எனக்கு மிகவும் பிடித்த பேட்ஸ்மேன் ரோகித் சர்மாதான். அவர் ஆடும் ஃபுல் சாட் எனக்கு மிகவும் பிடிக்கும்” என்றார்.
முன்னதாக, டுமினி தனது ஐபிஎல் அணியின் கேப்டனாகவும் ரோகித் சர்மாவை நியமித்திருந்தார். அந்த அணியில், இந்திய அணியின் கேப்டன் விராட் கோலி, வெஸ்ட் இண்டீஸ் அணியிலிருந்து கிறிஸ் கெயில், ஆஸ்திரேலிய அணியின் ஆடம் கில்கிறிஸ்ட், பிரெட் லீ ஆகியோரையும் தேர்வு செய்திருந்தது குறிப்பிடத்தக்கது.
இதையும் படிங்க:கங்குலியின் சகோதரருக்கு கரோனா டெஸ்ட் நெகட்டிவ்!
