கரோனா வைரஸ் (தீநுண்மி) பாதிப்பு காரணமாக பல்வேறு கிரிக்கெட் போட்டிகள் ஒத்திவைக்கப்பட்டுள்ளன. மீண்டும் கிரிக்கெட் போட்டிகள் தொடங்கப்பட்டாலும், பார்வையாளர்களின்றியே போட்டிகள் நடத்தப்படும் என அறிவிக்கப்பட்டுள்ளது. இதற்கிடையே இந்தாண்டு இறுதியில் டி20 உலகக்கோப்பைத் தொடர் நடத்த ஐசிசி திட்டமிட்டிருந்தது.
டி20 உலகக்கோப்பைத் தொடர் நடத்துவது குறித்து ஐசிசி சார்பாக மே 28ஆம் தேதி நடக்கும் ஆலோசனைக் கூட்டத்தில் முடிவு எடுக்கப்படும் எனத் தெரிவித்தது. இந்நிலையில் டி20 உலகக்கோப்பைத் தொடர் 2022ஆம் ஆண்டிற்கு ஒத்திவைக்கப்பட்டுள்ளதாகத் தற்போது தகவல் வெளியாகியுள்ளது.
இதனைடுத்து, ஒருவேளை இத்தொடர் 2020ஆம் ஆண்டு நடைபெறும் பட்சத்தில், அடுத்த ஆண்டு இந்தியாவில் நடைபெறவிருக்கும் டி20 உலகக்கோப்பைத் தொடரை ஆஸ்திரேலியாவும், 2020ஆம் ஆண்டு உலகக்கோப்பைத் தொடரை இந்தியாவும் நடத்த வேண்டியிருக்கும்.
அதேசமயம் டி20 உலகக்கோப்பை ஒத்திவைக்கப்பட்டால் அந்தக் காலகட்டத்தில் ஐபிஎல் தொடரை பிசிசிஐ நடத்த அதிகளவு வாய்ப்பு இருக்கிறது. இருப்பினும், உள்ளூர் தொடருக்காக சர்வதேச உலகக்கோப்பைத் தொடர் ஓராண்டு தள்ளிப்போவதால் மீண்டும் சிக்கலில் பிசிசிஐ சிக்கியுள்ளது.
மேலும் தொடரை நடத்தும் உரிமத்தை வழங்குவதற்கும் பிசிசிஐ தயாராக இல்லை என பிசிசிஐ அலுவலர்கள் தெரிவித்துள்ளனர். இருப்பினும் தற்போது டி20 உலகக்கோப்பை ஒத்திவைக்கப்பட்டால் நாம் தொடருக்கான உரிமத்தை வழங்கிதான் ஆக வேண்டும் என கிரிக்கெட் வல்லுநர்கள் தெரிவித்துள்ளனர்.
இதையும் படிங்க:அந்த இரண்டு பந்துகள் என் வாழ்வின் சிறந்த நினைவுகள்... சச்சின் பற்றி ஆஸி. வீராங்கனை!
