பிரமிக்க வைக்கும் காட்சி அமைப்பு, அசத்தலான அதிரடி காட்சிகள் என முழுக்க முழுக்க சண்டைக்காட்சிகள் நிறைந்த படமாக உருவாகியிருக்கும் படம் 'ஆக்ஷன்'. விஷால் - தமன்னா ஜோடியாக நடித்துள்ள இந்தப் படத்தை சுந்தர் சி இயக்கியுள்ளார்.
நடிகை ஐஸ்வர்யா லட்சுமி, அகன்ஷா பூரி, சாயா சிங், கபீர் சிங், ராம்கி, யோகி பாபு, பழ. கருப்பையா உள்ளிட்ட பலர் நடித்துள்ள இப்படத்தின் டீஸர், ட்ரெய்லர் சமீபத்தில் வெளியாகி ரசிகர்களை மெய்சிலிர்க்க வைத்தது. இப்படத்திற்கு ஹிப்ஹாப் தமிழா இசையமைத்துள்ளார்.
நவம்பர் 15ஆம் தேதி வெளியாக இருக்கும் இப்படத்தின் பாடல்களை சிங்கிள் டிராக்காக படக்குழுவினர் வெளியிட்டுவந்த நிலையில், தற்போது ‘அழகே’ என்ற பாடலின் வீடியோவை படக்குழுவினர் வெளியிட்டுள்ளனர். இந்தப் பாடல் ரசிகர்கள் மத்தியில் வரவேற்பைப் பெற்றுள்ளது.
இதையும் படிங்க: நடிகையை அடித்ததற்கு மேடையில் மன்னிப்பு கேட்ட விஷால்
