இயக்குநர் விஜய்சந்தர் இயக்கத்தில் விஜய் சேதுபதி நடிப்பில் உருவாகிவரும் படம் 'சங்கத்தமிழன்'. இப்படத்தில் விஜய் சேதுபதியுடன் நடிகை ராஷி கண்ணா, நிவேதா பெத்துராஜ், சூரி, நாசர், ஜான்விஜய் உள்ளிட்டோர் நடிக்கின்றனர்
காலத்தால் அழியாத காவியங்களான...
- பாதாள பைரவி,
- மாயாபஜார்,
- மிஸ்ஸியம்மா,
எம்ஜிஆர் நடித்த
- எங்க வீட்டுப் பிள்ளை,
- நம்நாடு,
ரஜினிகாந்த் நடித்த
- உழைப்பாளி,
கமல்ஹாசன் நடித்த
- நம்மவர்
மேலும்,
- தாமிரபரணி,
- படிக்காதவன்,
- வேங்கை,
- வீரம்
உள்ளிட்ட சுமார் 60-க்கும் மேற்பட்ட வெற்றிப்படங்களை விஜயா புரொடக்ஷன்ஸ் தயாரித்துள்ளது.
விவேக்-மெர்வின் ஆகிய இரட்டையர் இசையமைத்துள்ள இந்தப் படத்திற்கு வேல்ராஜ் ஒளிப்பதிவு செய்துள்ளார். சமீபத்தில் வெளியான டீசர் நல்ல வரவேற்பைப் பெற்றுள்ளது. இப்படத்தில் வெளியான கமலா பாடலும் இளைஞர்கள் மத்தியில் நல்ல வரவேற்பைப் பெற்றுள்ளது.
இந்தப் படத்தின் டப்பிங் பணிகளை விஜய் சேதுபதி முடித்துள்ளார். அக்டோபர் 4ஆம் தேதி வெளியாகவுள்ள இப்படத்தின் இசை வெளியீடு செப்டம்பர் 17ஆம் தேதி வெளியாகவுள்ளதாகத் தகவல்கள் தெரிவிக்கின்றன.
