அறிமுக இயக்குநர் ஹரிஷ் ராம் இயக்கத்தில் ரீகல் ரீல்ஸ் பிரைவேட் லிமிடெட் மற்றும் ரோல் டைம் ஸ்டுடியோஸ் இணைந்து தயாரிக்கும் படம்'தும்பா'.ஃபேன்டஸி அட்வென்சர் படமாக உருவாகும் இந்த படத்திற்கு அனிருத், விவேக்-மெர்வின் மற்றும் சந்தோஷ் தயாநிதி ஆகியோர்இசையமைத்துள்ளனர்.
இந்த படத்தில்'கனா' புகழ் தர்ஷன் மற்றும்பிரபல நடிகர் அருண் பாண்டியனின் மகள் கீர்த்தி பாண்டியன் ஆகியோர் நடித்துள்ளனர் . இவர்களுடன் சின்னத்திரை நடிகர் ஆன தீனா அறிமுகமாகிறார்.
இது குறித்து நடிகர் தீனா கூறும்போது,
இந்த வாய்ப்பு எனக்கு எளிதில் கிடைக்கவில்லை. படத்தில் கிராஃபிக்ஸ் காட்சிகள் அதிகம் இருப்பதால், சூழ்நிலைகளுக்கு ஏற்ப எங்கள் நடிப்பு திறமையைப் பக்குவப்படுத்த வேண்டியிருந்தது.
அதனால் பயிற்சி பட்டறைக்கு சென்று நடிப்பு பயிற்சி எடுத்தேன்.என் கதாபாத்திரத்தின் தன்மை எனக்கு நடிக்க ஒரு பெரிய வாய்ப்பை கொடுக்கும் என நான் நம்புகிறேன்.
டைமிங் மற்றும் பஞ்ச் வசனங்களின் தலைமுறையில் வளர்ந்தவன் நான், இந்த படத்தில் எனக்கு அப்படிப்பட்ட விஷயங்கள் நிறைய உள்ளதால் ரசிகர்களின் மனதில் நீண்ட காலம் இந்த வசனங்கள் நிலைத்து நிற்கும் என்று அவர் கூறினார்
