வயகாம் 18 ஸ்டுடியோஸ் - 7 ஸ்கிரீன் ஸ்டுடியோ இணைந்து தயாரிக்கும் 'துக்ளக் தர்பார்' படத்தை டெல்லி பிரசாத் தீனதயாளன் இயக்குகிறார். இப்படத்தில் நடிகர் விஜய்சேதுபதி, நடிகை அதிதி ராவ் ஆகியோர் நடிக்கின்றனர்.
மேலும் நடிகர் பார்த்திபன் முக்கிய கதாபாத்திரத்தில் நடிக்கவுள்ளார். 'நடுவுல கொஞ்சம் பக்கத்த காணோம்' இயக்குநர் பாலாஜி தரணிதரன் வசனம் எழுதும் இப்படத்திற்கு இயக்குநர் பிரேம்குமார் ஒளிப்பதிவு செய்கிறார். இப்படத்திற்கு கோவிந்த் வசந்தா இசையமைக்கிறார்.
படத்தின் படப்பிடிப்பு பூஜையுடன் இன்று சென்னையில் தொடங்கியது. இதில், விஜய்சேதுபதி, அதிதிராவ், பார்த்திபன், காயத்ரி, சமுத்திரக்கனி, பகவதி பெருமாள், கருணாகரன், ராஜ்குமார் - இயக்குநர்கள் பிரேம்குமார், பாலாஜி தரணிதரன், தியாகராஜன் குமாரராஜா, அஜய் ஞானமுத்து, பிரபாகரன், மருதுபாண்டி, ஆண்ட்ரு ஆகியோர் கலந்துகொண்டனர்.
