கரோனா வைரஸ் தொற்று காரணமாக கடந்த சில வாரங்களாக நாடு முழுவதும் உள்ள திரையரங்குகள் மூடப்பட்டுள்ளன. இதனால் ரிலீஸுக்கு தயாராக இருக்கும் படங்களின் நிலைமை மிகவும் பரிதாபமாக உள்ளது. மேலும் ஊரடங்குக்கு பிறகு திரையரங்குகள் திறக்க நீண்ட நாள்கள் ஆகும் என்பதால் தயாரிப்பாளர்கள் பலரும் தங்களது படங்களை OTT ல் வெளியிட முடிவு செய்துள்ளனர்.
அந்தவகையில் நடிகை திரிஷா நடிப்பில் நீண்ட நாள்களாக திரைக்கு வராமல் இருக்கும் ’பரமபதம் விளையாட்டு’ திரைப்படம் நேரடியாக OTT பிளாட்பாரத்தில் வெளியாகவுள்ளதாக கூறப்படுகிறது. தற்போது இதுகுறித்து பேச்சுவார்த்தை நடைபெற்று வருவதாகவும், விரைவில் இதுதொடர்பான அறிவிப்பு வெளிவரும் என்றும் கோலிவுட் வட்டாரத்தில் பேசப்படுகிறது. திருஞானம் இயக்கியுள்ள இப்படத்தில் திரிஷா மருத்துவராக நடித்துள்ளார்.
இதேபோல் நடிகை ஜோதிகா நடித்த ’பொன்மகள் வந்தாள்’, சித்தார்த்தின் 'டக்கர்' ஆகிய படங்களும் நேரடியாக OTT பிளாட்பார்மில் வெளியாகவுள்ளது குறிப்பிடத்தக்கது.
இதையும் படிங்க: மாஸ்டரில் இரண்டு விஜய்யா?
