இயக்குநர் வெங்கட் பிரபு இயக்கத்தில் நடிகர் சிம்பு நடிப்பில் உருவாகி வரும் படம் 'மாநாடு'. கல்யாணி பிரியதர்ஷன் கதாநாயகியாக நடிக்க உள்ளார். இப்படம் முழுக்க முழுக்க அரசியல் கதைக்களத்தில் உருவாக உள்ளது.
இந்த படம் சிம்பு இதுவரை நடித்த படங்களிலேயேஅதிக பட்ஜெட்டில் உருவாக இருக்கிறது. இப்படத்தின் முதற்கட்ட படப்பிடிப்பு ஜூன்-25ஆம் தேதி மலேசியாவில் பாடல் காட்சியுடன் ஆரம்பமாக இருக்கிறது. தொடர்ந்து நடைபெறும் இந்த படப்பிடிப்பில் பாடலுடன் சில முக்கியமான காட்சிகளும் அங்கு படமாக்கப்பட உள்ளதாக படக்குழுவினர் தெரிவித்துள்ளனர்.
