பிரபாஸ், ராணா, அனுஷ்கா உள்ளிட்டோரின் நடிப்பில் 2017இல் வெளியான திரைப்படம் 'பாகுபலி: தி கன்குலஷன்'. தமிழ், தெலுங்கு, இந்தி உள்ளிட்ட மொழிகளில் வெளியான இந்தப் படம் மெகா ஹிட்டாகி பல வசூல் சாதனைகளைப் படைத்தது. இத்திரைப்படத்தின் வெற்றிக்குப் பிறகு மாபெரும் வெற்றி நாயகனாக உருவெடுத்த பிரபாஸின் அடுத்தப் படத்தின் மீது எதிர்பார்ப்புகள் பன்மடங்கு அதிகரித்தன.
இந்நிலையில் சுஜீத் இயக்கத்தில் பிரபாஸ் நடிப்பில் உருவாகிவரும் திரைப்படம் 'சாஹோ'. சுமார் 300 கோடி ரூபாய் பட்ஜெட்டில் உருவாகிவரும் இந்தத் திரைப்படத்தில் பிரபாஸுடன் ஷ்ரத்தா கபூர், அருண் விஜய் ஆகியோர் நடித்துவருகின்றனர். 2017இல் தொடங்கப்பட்ட இந்தத் திரைப்படத்தின் ஃபர்ஸ்ட் லுக் வெளியானதிலிருந்தே இதன் மீது ரசிகர்களின் எதிர்பார்ப்பு அதிகரித்திருந்தது.
இந்நிலையில் பிரபாஸின் ரசிகர்களை உற்சாகப்படுத்தும் விதமாக 'சாஹோ' திரைப்படத்தின் டீசர் இன்று காலை வெளியிடப்பட்டது. தமிழ், தெலுங்கு, இந்தி உள்ளிட்ட மொழிகளில் உருவாகிவரும் இந்தத் திரைப்படம் சுதந்திர தினத்தை முன்னிட்டு ஆகஸ்ட் 15ஆம் தேதி வெளியாகவுள்ளது.
