'#தலைவர் 168' படத்தில் நடிக்க உள்ள கதாநாயகிகள் குறித்த தகவல்கள் தற்போது வெளியாகியுள்ளன.
ஏ.ஆர். முருகதாஸ் இயக்கத்தில் ரஜினி, நயன்தாரா ஆகியோர் முன்னணி கதாபாத்திரங்களில் நடித்து வெளியாகவுள்ள திரைப்படம் 'தர்பார்'. இதில் பிரதீக் பப்பர், நிவேதா தாமஸ், சுனில் ஷெட்டி மற்றும் யோகி பாபு ஆகியோரும் முக்கிய வேடங்களில் நடித்துள்ளனர். லைகா நிறுவனம் தயாரித்துள்ள இப்படத்துக்கு அனிருத் இசையமைக்கிறார். தற்போது இதன் படப்பிடிப்புப் பணிகள் முடிந்து, போஸ்ட் புரொடக்ஷன் வேலைகள் பிஸியாக நடைபெற்று வருகின்றன.
இந்நிலையில் நடிகர் ரஜினி, சிறுத்தை சிவா இயக்கத்தில் சன்பிக்சர்ஸ் தயாரிக்கும் '#தலைவர் 168' படத்தில் நடிக்க உள்ளார். இது குறித்த அதிகாரப்பூர்வ அறிவிப்பு சமீபத்தில் வெளியாகின. இப்படத்தில் நடிகைகள் ஜோதிகா, கீர்த்தி சுரேஷ் ஆகியோர் நடிக்க உள்ளதாகத் தகவல்கள் வெளியாகியுள்ளன.
இதில் ஜோதிகாவுடன் ரஜினி நடித்த 'சந்திரமுகி' திரைப்படம் தமிழில் வெளியாகி, சூப்பர் டூப்பர் ஹிட் கொடுத்தது. தற்போது ரஜினி இமயமலை சென்றுள்ளார். அங்கு அவரைப் பார்த்த ரசிகர்கள், அவருடன் செல்ஃபி எடுத்து சமூகவலைத்தளத்தில் வைரலாக்கி வருகின்றனர். இமயமலையில் இருந்து ரஜினி சென்னை திரும்பியவுடன் நடிகைகள் குறித்த அதிகாரப்பூர்வ அறிவிப்புகள் வெளியாகும் என்று எதிர்பார்க்கப்படுகிறது.
இதையும் வாசிங்க: 'தர்பார்' படத்தில் சஸ்பென்ஸ் கேரக்டரில் மற்றொரு கதாநாயகி?
