'சாஹோ' திரைப்படத்தைத் தொடர்ந்து நடிகர் பிரபாஸ் நடிப்பில் உருவாகிவரும் திரைப்படம் 'ராதே ஷ்யாம்'. ராதா கிருஷ்ணகுமார் இயக்கிவரும் இப்படம் தமிழ், தெலுங்கு, இந்தி, மலையாளம் ஆகிய நான்கு மொழிகளில் தயாராகிவருகிறது. மிக பிரமாண்டமாக உருவாகிவரும் இப்படத்தை யூவி கிரியேஷன்ஸ் தயாரித்துவருகிறது.
இத்திரைப்படத்தின் படப்பிடிப்பு கரோனா ஊரடங்கு காரணமாகத் தற்காலிகமாக நிறுத்திவைக்கப்பட்டிருந்த நிலையில், மீண்டும் இன்றுமுதல் (ஜூன் 25) தொடங்கியுள்ளது. மேலும் ஜூலை மாத இறுதியில் இப்படம் வெளியாகும் என எதிர்பார்க்கப்படுகிறது.
ரசிகர்களிடம் அதிக எதிர்பார்ப்புகளை ஏற்படுத்தியுள்ள பன்மொழித் திரைப்படமான 'ராதே ஷ்யாம்' படத்தின் போஸ்டர்கள், ஏற்கனவே வெளியாகி நல்ல வரவேற்பைப் பெற்றது குறிப்பிடத்தக்கது.
இதையும் படிங்க: வெளியாவதற்கு முன்பே சாதனை படைத்த 'வலிமை'
