'பாகுபலி' படம் மூலம் உலக அளவில் கவனம் பெற்ற பிரபாஸ் நடிப்பில் சமீபத்தில் வெளியான படம் 'சாஹோ'. இதையடுத்து சாஹோ பட தயாரிப்பு நிறுவனமான யுவி க்ரியேஷன்ஸ் தயாரிப்பில் அவர் 20ஆவது படத்தை நடித்து வருகிறார். இன்னும் பெயரிடப்படாத இப்படத்தின் ஷூட்டிங் விறுவிறுப்பாக நடைபெற்று வருகிறது.
இதற்கிடையில் பிரபாஸின் 21ஆவது பட அப்டேட் வெளியாகியள்ளது. அதன்படி பிரபாஸின் அடுத்த படத்தை 'மகாநடி' பட இயக்குநர் நாக் அஸ்வின் இயக்கவுள்ளதாக தெரிவிக்கப்பட்டுள்ளது.
அப்படத்தை 50 ஆண்டுகாலமாகத் திரைப்படங்களை வெற்றிகரமாகத் தயாரித்து வரும் வைஜயந்தி மூவிஸ் நிறுவனம் தயாரிக்கிறதாம். இதுதவிர படத்தில் நடிக்கும் மற்ற நடிகர்கள் மற்றும் படத்தின் விவரங்களை இன்னும் படக்குழு வெளியிடவில்லை என்பது குறிப்பிடத்தக்கது.
இதையும் படிங்க: பெண்கள் மட்டும் பணியாற்றும் நடமாடும் டீக்கடையை திறந்து வைத்த நாசர்!
