தேசிய விருது பெற்ற ‘லையர்ஸ் டைஸ்’ படத்தை இயக்கிய கீது மோகன்தாஸின் அடுத்த படைப்பு ‘மூத்தோன்’. இதில் நிவின் பாலி, சசங் அரோரா, சோபிதா துலிபலா, மெலிசா ராஜு தாமஸ் ஆகியோர் முன்னணி கதாபாத்திரங்களில் நடித்துள்ளனர்.
செப்டம்பர் 5 முதல் 15ஆம் தேதி வரை நடைபெறும் டொரன்டோ சர்வதேச விழாவில் ‘மூத்தோன்’ படம் திரையிடப்பட்டது. இதற்காக படக்குழுவினர் அங்கு சென்றிருந்தனர். அதுமட்டுமல்லாமல், மும்பை திரைப்பட விழாவை தொடங்கி வைக்கப்போவது ‘மூத்தோன்’ திரைப்படம்தான். விழாவின் ஆரம்ப படமாக இதனை திரையிட முடிவு செய்துள்ளனர். இந்நிலையில் இத்திரைப்படம் வரும் நவம்பர் 8ஆம் தேதி வெளியாகும் என அறிவிக்கப்பட்டுள்ளது. இந்தியில் அனுராக் கஷ்யப் இதற்கு வசனம் எழுதியுள்ளார் என்பது குறிப்பிடத்தக்கது.
