'ராஜா ராணி', 'தெறி', 'மெர்சல்', 'பிகில்' ஆகிய வெற்றிப் படங்களை இயக்கிய அட்லீ, தற்போது பாலிவுட் பக்கம் திரும்பியுள்ளார். இவர் ஷாருக்கானை வைத்து பாலிவுட்டில் படம் ஒன்றை இயக்கவுள்ளதாக நீண்ட நாள்களாகக் கூறப்படுகிறது.
இன்னும் முறையான அறிவிப்பு வெளியாகவில்லை என்றாலும், கிட்டத்தட்ட படத்தின் பணிகள் தொடங்கிவிட்டதாகத் தகவல் வெளியாகியுள்ளது. இந்நிலையில் முதல் முறையாக அட்லீ-ஷாருக்கான் இணையும் இப்படத்தில் கதாநாயகியாக நயன்தாரா நடிக்கவுள்ளதாகக் கூறப்படுகிறது.
மேலும் இப்படத்தில் அவருக்கு மிகப்பெரிய அளவில் சம்பளம் பேசப்பட்டுள்ளதாகவும் படக்குழு வட்டாரம் தெரிவித்துள்ளது. ஏற்கனவே அட்லீ இயக்கத்தில் வெளியான 'ராஜா ராணி', 'பிகில்' ஆகிய படங்களில் நடிகை நயன்தாரா நடித்துள்ளார் என்பது குறிப்பிடத்தக்கது.
இதையும் படிங்க: அடேங்கப்பா! இது நம்ம லிஸ்ட்லயே இல்லையே!
