கே.ஜே.ஆர் ஸ்டுடியோ தயாரிப்பில் 'லட்சுமி’, ‘மா’ ஆகிய குறும்படங்களின் இயக்குநர் சர்ஜுன் இயக்கத்தில் உருவாகியுள்ள படம் 'ஐரா'. நயன்தாரா இப்படத்தில் இரண்டு தோற்றங்களில் நடித்திருக்கிறார். நயன்தாராவுடன் கலையரசன், யோகிபாபு, ஜெயபிரகாஷ், லீலாவதி உள்பட பலர் முக்கிய கதாபாத்திரங்களில் நடித்துள்ளனர்.
படத்தின் டீசரை படக்குழு சமீபத்தில் வெளியிட்டது. ஹாரர் ஜானரில் உருவாகியிருக்கும் இந்தப் படத்தில் நயன்தாராவின் வித்தியாசமான தோற்றம் அனைவரையும் கவர்ந்தது. இந்தப் படத்துக்கு சென்சார் போடு யு/ஏ சான்றிதழ் வழங்கியுள்ளது. இப்படம் மார்ச் 28-ம் தேதி வெளியாகிறது.
இந்நிலையில் படக்குழு புதிய போஸ்டர்களை வெளியிட்டுள்ளது.
கோலமாவு கோகிலா படத்தில் கல்யாண வயசு வந்திருச்சு என நயன்தாரா- யோகிபாபு இணைந்து கலக்கினார்கள். இந்நிலையில் ஐரா படத்திலும் இருவரும் இணைந்து கலக்கவுள்ளனர்.
