'லாக்கப்' படத்திற்கு கிடைத்த வரவேற்பால் நெகிழ்ந்த தயாரிப்பாளர்

தயாரிப்பாளர் நிதின் சத்யா லாக்கப் திரைப்படத்திற்கு கிடைத்த வரவேற்பிற்கு, நன்றி தெரிவித்து உள்ளார்.

அறிமுக இயக்குநர் சார்லஸ் இயக்கியுள்ள திரைப்படம், ‘லாக்கப்’. நிதின் சத்யா தயாரித்துள்ள இதில் வைபவ், வாணி போஜன், பூர்ணா, ஈஸ்வரி, வெங்கட் பிரபு உள்ளிட்டோர் இதில் நடித்துள்ளனர். இப்படம் சமீபத்தில் ZEE 5 ஓடிடி தளத்தில் வெளியாகி நல்ல வரவேற்பை பெற்றது.

இந்நிலையில் ரசிகர்கள் கொடுத்த வரவேற்பிற்கு நன்றி தெரிவித்து நிதின் சத்யா அறிக்கை ஒன்றை வெளியிட்டுள்ளார். அதில், “இந்த மகிழ்ச்சியான நேரத்தில், எனது தயாரிப்பில் உருவான 'லாக்கப்' திரைப்படத்தை மிகப்பெரிய வெற்றி படமாக மாற்றிய உங்களுக்கு மிக்க நன்றி.

சினிமாவின் மீதான எனது ஆசை மிகப்பெரியது. திரையில் பல விதமான வேலைகளில் நான் பணியாற்றியிருக்கிறேன். பதினைந்து வருடங்களுக்கு மேலாக இந்த பயணத்தில், பல விஷயங்களைக் கற்றிருக்கிறேன்" என்று கூறியுள்ளார்.