கரோனா வைரஸ் காரணமாக அமலில் இருக்கும் ஊரடங்கால் கிட்டத்தட்ட மூன்று மாதங்களுக்கும் மேலாக திரையரங்குகள் அனைத்து மூடப்பட்டுள்ளன. இதனால் தயாரிப்பாளர்கள் பலரும் தங்களது படங்களை ஒடிடி தளத்தில் வெளியிட்டுவருகின்றனர்.
அந்த வகையில், 'பொன்மகள் வந்தாள்', 'பென்குயின்', 'காக்டெய்ல்' ஆகிய திரைப்படங்களைத் தொடர்ந்து தற்போது 'லாக்கப்' திரைப்படம் ஒடிடி தளத்தில் வெளியாகவுள்ளது. இந்நிலையில், இயக்குநர் எஸ்.ஜி.சார்லஸ் இயக்கியுள்ள இத்திரைப்படம் வரும் ஆகஸ்ட் 14ஆம் தேதி, zee-5 தளத்தில் வெளியாக உள்ளதாக அறிவிப்பு வெளியாகியுள்ளது.
இதில் நடிகர் வைபவ், வாணி போஜன், ஈஸ்வரி ராவ், பூர்ணா, மைம் கோபி, வெங்கட் பிரபு உள்ளிட்ட பலர் நடித்துள்ளனர். நடிகர் நிதின் சத்யா தயாரித்துள்ள இத்திரைப்படத்தின் மீது ரசிகர்களிடையே மிகுந்த எதிர்பார்ப்பு நிலவிவருகிறது என்பது குறிப்பிடத்தக்கது.
