கன்னட ராக்கிங் ஸ்டார் யாஷ் பிறந்தநாளை முன்னிட்டு வெளியிடப்பட்ட 'கேஜிஎஃப் சேப்டர் 2' திரைப்படத்தின் டீசர் யூ-ட்யூபில் 20 மில்லியன் பார்வையாளர்களைக் கடந்து ட்ரெண்டிங்கில் கலக்கிவருகிறது.
பிரசாந்த் நீல் இயக்கத்தில் யாஷ் நடிப்பில் கன்னடத்தில் வெளியான 'கேஜிஎப்' திரைப்படம் மொழி கடந்து அனைத்து ரசிகர்களாலும் கொண்டாடப்பட்டது. கோலார் தங்கச் சுரங்கத்தை மையப்படுத்தி எழுதப்பட்ட கதையில் அற்புதம் நிகழ்த்திருப்பார் இயக்குநர் பிரசாந்த் நீல்.
இதனால் இப்படத்தின் இரண்டாம் பாகத்திற்கு மிகப்பெரிய எதிர்பார்ப்பு நிலவியது. இரண்டாம் பாகத்தின் படப்பிடிப்பு கரோனா காரணமாக பாதிக்கப்பட்டது. அண்மையில் மீண்டும் தொடங்கிய படப்படிப்பில் யாஷ், பிரகாஷ்ராஜ் உள்ளிட்டோர் கலந்துகொண்டனர்.
இப்படத்தின் டீசர் நேற்று (ஜன. 07) வெளியிடப்பட்டது. யாஷ் பிறந்தநாளை ஒட்டி ரசிகர்களுக்குப் படக்குழுவினர் விஷுவல் ட்ரீட் வைத்தனர். முதல் பாகத்தைப் போலவே இந்தப் பாகமும் மிக மாஸாக இருக்கும் என்பதை டீசர் உறுதிசெய்தது. டீசர் வெளியாகி 12 மணி நேரத்திலேயே 20 மில்லியன் பார்வையாளர்களைக் கடந்து ட்ரெண்ட்டிங்கில் முதலிடம் பிடித்துள்ளது.
இதையும் படிங்க... இனிதான் ஆட்டமே ஆரம்பம்: வெளியானது 'கேஜிஎஃப்-2' டீசர்!
