ஏ.ஆர்.ரஹ்மான், கௌதம் வாசுதேவ் மேனன் கூட்டணியில் உருவாகும் பாடல்களுக்கு எப்போதும் ரசிகர்களிடம் பெரும் வரவேற்பு கிடைத்து வருகிறது.
இவர்களது கூட்டணியில் வெளியான விண்ணைத் தாண்டி வருவாயா, Ye Maaya Chesavo, Ek Deewana Tha, அச்சம் என்பது மடமையடா, படங்கள் மிகப்பெரிய வெற்றிகளைக் குவித்துள்ளது. தற்போது இவர்கள் இருவரும் 'வெந்து தணிந்தது காடு' படத்தில் இணைந்துள்ளனர்.
இவர்கள் தற்போது தெலுங்கானாவின் கலாச்சார வண்ணத் திருவிழாவான பதுக்கம்மா ( Bathukamma ) விழாவுக்காக, ஒரு சிறப்புப் பாடலை உருவாக்கியுள்ளனர். ஏ.ஆர்.ரஹ்மான் இசையமைக்க பாடலை கௌதம் வாசுதேவ் மேனன் இயக்கியுள்ளார். கவிதா தயாரித்து இப்பாடலை சுரேந்தர் எழுதி, பாடியுள்ளார்.
இப்பாடல் அக்டோபர் மாதம் 6 ஆம் தேதி வெளியிடத் திட்டமிடப்பட்டுள்ளது. இந்திய திரையுலகின் பல பெரும் பிரபலங்கள் இப்பாடலில் இணைந்துள்ளதால், கண்டிப்பாக பாடல் ஹிட்டாகும் என எதிர்பார்க்கப்படுகிறது.
