சென்னை: இயக்குநர் பிரபு ஜெயராம் இயக்கத்தில் நடிகர் ஆர்.எஸ். கார்த்தி நடித்துள்ள திரைப்படம் 'என்னங்க சார் உங்க சட்டம்'. இப்படத்தை சதன், ஜெயராம் ஆகியோர் தயாரித்துள்ளனர்.
பீச்சாங்கையில் பரிச்சயம்
ஆர்.எஸ். கார்த்தி 'பீச்சாங்கை' படத்தின் மூலம் ரசிகர்களுக்கு அறிமுகமானவர். இப்படத்தில் இவரது நடிப்பு பெரிதும் பேசப்பட்டது. குண. பாலசுப்பிரமணியன் இசை அமைத்துள்ளார். இப்படத்தின் ஃபர்ஸ்ட்லுக் போஸ்டரை நடிகர் ஜெயம் ரவி தனது ட்விட்டர் பக்கத்தில் நேற்று (ஆக. 16) வெளியிட்டார்.
அரசியல் நையாண்டி படமாக உருவாகியுள்ள இப்படத்தின் ஃபர்ஸ்ட் லுக் போஸ்டர் வரவேற்பு பெற்றுள்ளது. இந்நிலையில் இப்படத்தின் இரண்டாவது போஸ்டர் தற்போது வெளியாகி படத்தின் மீதான எதிர்பார்ப்பை மேலும் அதிகரித்துள்ளது.
இதையும் படிங்க: உதயநிதி இனிமேல் 'மக்கள் அன்பன்' - சீனு ராமசாமி
